25،000ގެ މުސާރަައެއްގައި 45 ސޯސަލްމީޑިއާ މުއައްޒަފުން ރައީސް އޮފީހައް ނަގަނީ!

ސަރުކާރު ދިފާއުކޮށް ޕުރޮމޯޓު ކުރުމަށް ރައީސް އޮފީހުގެ ކޮމިއުނިކޭޝަންއަށް 45 މުވައްޒަފުން ނަގަން ނިންމަވައިފިއެވެ. މިވެރިންގެ މަހު މުސާރައަށް  20،000 އާއި 25،000  ދެމެދު ރުފިޔާއެވެ. މީގެ ތެރޭގައި ޓީކްޓޮކު ތަރިންނާއި ވީޑިއޯ ގުރާފަރުން، އަދި ގުރެފިކްސް ޑިސައިނަރުން ހިމެނެއެވެ. މައުލޫމާތު ލިބިފައިވާ ގޮތުގައި މި ޓީމު މަސައްކަތް ކުރާނީ ހަލީލު އަދި އިކުރާމްގެ ބެލުމުގެ ދަށުން ރައީސް އޮފީހުގައެވެ.

މިއީ ރައީސް ޕޮރޮމޯޓު ކުރުމަށް ސަރުކާރުން  އެކުލަވާލި 140 މިލިއަން ރުފިޔާގެ ބަޖެޓުގައި ހިމެނޭ ބައެކެވެ. 

މި ސަރުކާރަށް މަހެއް ވިތަނާހެއް ސަރުކާރު ހާލިވެ، ޑިފެންސް ކުރަންޖެހިއްޖެއެވެ. މި ގޮތުން ލޫކަސް ޖަލީލުމެން ފަދަ ފުންނާބު އުސް އެކްޓިވިސްޓުންނާއި ނެގޯސިއޭޓުކުރާ ކަމަށް ދޮންއަމައަށް ވަނީ މައުލޫމާތު ލިބިފައެވެ. 

"ސަރުކާރުން މިހާރު ވަނީ ސޯސަލް މީޑިއާ ގުރޫޕެއް ހަދާފަ! އިތުރަށް ގެންނަން ޖެހޭ މީހުންނާ ނެގޯސިއޭޓު އެބަކުރޭ!"

މިނިވަން ނޫސްވެރިކަމަށް އަރައިގަތުމުގެ ސަބަބުން ސަރުކާރުވަނީ ހޫނުފެނަށް ވެެއްޓިފައެވެ. މިކަން ކުރުމުގައި ރައީސްގެ އިރުޝާދު ހޯދާފައި ނުވާކަމަށާއި ހަލީލުގެ ފަރާތުން މި ފެންނަ ކަންކަމީ ރާވައިގެން ސަރުކާރު އަގުވައްޓާލަން ކުރާ ކަމެއްކަމަށް ޕީއެންސީގެ ސަޕޯޓަރުން ބުނަމުންދެއެވެ.