މަޖިލިސް ރައީސްކަމުގެ ދަހިވެތިކަމުގައި ދަރިފުޅު ފައިސަލް ގުރުބާންކޮށް އޭނާ މަގާމުން ވަކިކުރުމަށް އަދުރޭ އެއްބަސްވެއްޖެ

ޓުއަރިޒަމް މިނިސްޓަރު ކަމުގައި ހުންނެވި އަބްދުއްރަހީމް (އަދުރޭ)ގެ ދަރިފުޅު، ފައިސަލް އެ މަގާމުން ވަކި ކުރުމަށް އަދުރޭ އެއްބަސްވެއްޖެއެވެ. 

އަދުރޭ މިކަމަށް އެއްބަސްވީ ބަދަލުގައި މަޖިލީހުގެ ރައީސްކަން އަދުރޭއަށް ލިބޭ ގޮތަށެވެ. މިކަމަށް އެއްބަސްވެ މުއިއްޒުއާއި އަދުރޭ މިހާރު ވަނީ ޑީލެއް ހަދާފައެެވެ. 

ފައިސަލްއަކީ މި ސަރުކާރުގެ ވަޒީރުންގެ ތެރެއިން އެންމެ ގިނަ ބައެއްގެ ފާޑުކިޔުން އަމާޒުވާ ވަޒީރެވެ. ހާއްސަކޮށް މަގާމާ ހަވާލުވުމަށްފަހު ރާއްޖޭގެ އަގު ވެއްޓޭގޮތަށް އެތައް ކަމެއް ފައިސަލްއާއި ފައިސަލްގެ ބެލުމުގެ ދަށުން ތިބި މީހުން ކުރަމުން ދާތީ ގިނަ ބަޔަކު ވަނީ ފައިސަލްގެ އިސްތިއުފާއަށް ގޮވާލާފައެވެ. 

ފައިސަލްގެ ކިބައިގައި އާދައިގެ އިނގިރޭސި ބަހުން ވާހަކަ ދެއްކުމުގެ ފެންވަރުވެސް ނެތުމުގެ ސަބަބުން ފަތުރުވެރިކަމުގެ ބައިނަލްއަގްވާމީ މާކެޓުގައި ރާއްޖޭގެ އަގު ވެއްޓޭކަމަށް ގިނަ ބަޔަކު ދެކެއެވެ. ފައިސަލްއަށް އެ މަގާމު ލިބުނީވެސް އަދުރޭގެ ދަރިއަކަށް އޭނާ ވުމުންނެވެ. އިތުރު އެހެން އެއްވެސް ސަބަބެއް ނެތެވެ. 

މުއިއްޒުއާއި އަދުރޭ މިފަދަ ޑީލްއަކަށް ދާން މިޖެހުނީ އަމާޒުވި ފާޑުކިޔުންތައް ގިނަވުމުގެ ސަބަބުންކަމަށް ބެލެވެއެވެ. އެމްއެމްޕީއާރްސީގެ ބޯޑު މެމްބަރު ނޫރެއިން ޖަނާހު އިސްތިއުފާ ދިނުމާއި އެމްއެމްޕީއާރްސީގެ މެނޭޖިން ޑިރެކްޓަރު ފާތިމަތު ތައުފީގް ވަކި ކުރުމާއެކު ފައިސަލްގެ މަގާމު ގެއްލުމުގެ ފުރުސަތުވެސް ވަރަށް ބޮޑެވެ. ނޫރެއިން މުއިއްޒުއަށް ފޮނުވި ރިޕޯޓުގައި ފަތުރުވެރިކަން ބޮއްސުން ލައިގެން ގޮސްފައިވާކަމުގެ އެތައް ވާހަކަތަކެއް ހިމަނާފައިވެއެވެ.