500 މިލިއަން ރުފިޔާ ހަރަދުކޮށް ގެނައި ޑްރޯންތަކުގެ އަތްދަށުން ވަތް ސޯމާލިޔާ ކަނޑުފޭރޭ މީހުން ރަށު ތެރެއަށް ދޫވެފައި، އިމިގްރޭޝަން ކޮންޓްރޯލަރ ވަގު ކޯޓާ ވިއްކުމުގައި އަވަދިނެތި

500 މިލިއަން ޑޮލަރު ހަރަދުކޮށް ބޯޑަރު ބަލަހައްޓަން ގެނައި ޑްރޯންތަކުގެ އަތްދަށުން ވަތް ސޯމާލިޔާ ކަނޑުފޭރޭ މީހުން ރަށު ތެރެއަށް ދޫކޮށްލައިފި އެވެ. 

މީގެ ދެ ދުވަސް ކުރިން ނ. ވަވަތިއަށް ލެއްގި ސޯމާލިޔާ ތިން މީހުން ގެންގޮސްފައި ވަނީ އެ އަތޮޅު ހޮޅުދޫ އަށެވެ. އެ މީހުން ރަށު ތެރެއަށް ވީއްލިގެން އުޅޭ ވީޑިޔޯއެއް "ދޮންއަމާ" އަށް ލިބިފައިވެ އެވެ. 

24 ގަޑިއިރު ބޯޑަރު ބެލެހެއްޓޭނެކަމަށް ބުނެ ގެނައި ޑްރޯންތަކުގެ އަތްދަށުން މީހުން ވަދެ ރާއްޖޭގައި އުޅެމުން ދާއިރު އިމިގްރޭޝަން ކޮންޓްރޯލަރ އުޅެނީ އަވަދިނެތި ވަގު ކޯޓާ ވިއްކުމުގަ އެވެ. 

ބޯޑަރު ބަލަހައްޓާނީ އަމިއްލައަށް ކަމަށް ބުނެ ގެނައި ޑްރޯންތަކުގެ އެއްވެސް ބޭނުމެއް ނުހިފެއެވެ. ރާއްޖޭގެ ބޯޑަރުތަކުގެ ތެރޭގައި އެތައް ކުށްތަކަކަށް ދަނީ އަރައިގަންނަމުންނެވެ. މުއިއްޒު ކަހާތަން ހިރުވާ ވެސް ނުލައެވެ. ކަމެއް އެނގޭކަމަށްވެސް ނުހަދަ އެވެ. 

މިނިވަންކަމާއި ގައުމިއްޔަތު ހިމާޔަތްކުރުމަށް އައި ބަޔަކަށް ރާއްޖޭގެ ބޯޑަރު ހިމާޔަތް ނުކޮށް ދެވޭއިރު ދެން ކޮށް ދެވޭނީ ކޮން ކަމެއް ހެއްޔެވެ؟