އެއާޕޯޓުގައި 2 ދިވެހިންނަށް ހަމާލާދިން އެމެރިކާގެ ފަތުރުވެރިޔާ ސިއްރިއްޔާތުގައި ފުރުވާލަން އެމެރިކާގެ އެމްބަސީއިން އަންގައިފި - ދިވެހީންގެރާއްޖޭގެ ޚަރިޖީ ސިޔާސަތު އެމެރިކާގެ މުށުތެރޭގައި

އެއާޕޯޓުގައި 2 ދިވެހިންނަށް ހަމާލާދިން އެމެރިކާގެ ފަތުރުވެރިޔާ ސިއްރިއްޔާތުގައި ފުރުވާލަން އެމެރިކާގެ އެމްބަސީއިން އަންގައިފި އެވެ. 

މިއަދު ހެނދުނު އެމެރިކާގެ ފަތުރުވެރިޔަކު އެއާޕޯޓުގައި މަސައްކަތްކުރާ ދިވެހިންތަކަކަށް އަނިޔާކޮށް މުޒާހަރާ ހިންގުމަށް މަސައްކަތްކޮށްފައިވަނީ އޭނާގެ އެކްސެސް ބެގޭޖަށް ފައިސާ ދޭން ބޭނުން ނުވެގެންނެވެ. އެ މަންޒަދު ދައްކުވައިދޭ ވީޑިޔޯތައްވެސް ސޯޝަލް މީޑިޔާގައި އަންނަނީ ދައުރުވަމުންނެވެ.

ވީޑިޔޯއިން ފެންނަނީ ހަމަނުޖެހުން ހިންގައި އަނިޔާ ކުރުމަށްފަހު ހަމަޖެހިލައިގެން އޭނާ ދާ މަންޒަރެވެ. އެހެންނަމަވެސް ފަހުން އޭނާ ހައްޔަރުކޮށްފައިވާކަމަށް މައުލޫމާތު ލިބެއެވެ. އޭނާ ހައްޔަރުކުރިނަމަވެސް މަސައްކަތްކުރަމުން ދަނީ ސިއްރިއްޔާތުގައި އޭނާ ފުރުވާލުމަށްކަމަށް މައުލޫމާތު ލިބެއެވެ. 

މީގެންވެސް އަންގައިދެނީ ދިވެހީންގެ ރާއްޖޭގެ ޚާރިޖީ ސިޔާސަތު އެމެރިކާގެ މުށުތެރޭގައި އޮތް ކަމެވެ. އެމެރިކާއަކީ ފަލަސްތީނަށް އިޒްރޭލުން ދޭ ހަމަލާތަކުގައި އެންމެ ބޮޑަށް ވާގިވެރިވާ ގައުމެވެ. އެހެންނަމަވެސް ރާއްޖެއިން އަންނަނީ އެމެރިކާއާއެކު ގާތް ގުޅުމެއް ގާއިމްކުރަމުންނެވެ.

އެގޮތުން މިވަގުތުވެސް އެމެރިކާއިން ގެންދަނީ ދިވެހި ސިފައިންނަށް ޓްރެއިނިންގ ނަގައިދިނުމުގެ ނަމުގައި ފަލަސްތީނުގެ މުސްލިމުންނާމެދު ނަފްރަތު އުފެއްދުމުގެ އަމަލުތައް ހިންގަމުންނެވެ. އެމެރިކާއަކީ މުސްލިމް އެތައް ގައުމަކަށް ދެމުންދާ އަނިޔާގައި އެންމެ ބޮޑަށް އެހީވަމުންދާ ގައުމަށް ވާއިރު މި ސަރުކާރުން އެމެރިކާ ސިފައިން ރާއްޖޭގައި ގެންގުޅުމުގައި އެއްވެސް މައްސަލައެއް ނެތެވެ. އިންޑިޔާ ސިފައިން ރާއްޖޭގައި ތިބެގެން އެހާ ބޮޑު މައްސަލައަކަށް ވީއިރު މިހާ ނުބައި ބަޔަކު މިތާ އުޅުމަށް ދިވެހީންގެ ރާއްޖޭގެ ސަރުކާރުން އެއްވެސް މައްސަލައެއް ނެތެވެ.