އެއާޕޯޓުގައި ދިވެހިންގެ ގައިގައި ތަޅައިގަނެ މާރާމާރީ ހިންގި އެމެރިކާ މީހާ ކުޑަ ޖޫރިމަނާއެއް ކުރުމަށްފަހު ފުރުވާލައިފި، މިއީ އަނިޔާ ލިބުނު ދިވެހިންނަށް ކުރި މަލާމާތެއް

އެއާޕޯޓުގައި ދިވެހިންގެ ގައިގައި ތަޅައިގަނެ މާރާމާރީ ހިންގި އެމެރިކާ މީހާ ކުޑަ ޖޫރިމަނާއެއް ކުރުމަށްފަހު ފުރުވާލައިފި އެވެ. 

މެއި މަހުގެ 7 ވަނަ ދުވަހު އެއާޕޯޓުގައި މާރާމާރީ ހިންގައި އެއާޕޯޓުގައި މަސައްކަތްކުރާ މުވައްޒަފުންތަކެއްގެ ގައިގައި ތަޅައިގަތް އެމެރިކާ މީހާ ޖޫރިމަނާ ކުރީ އެންމެ 10،000 ރުފިޔާ އިންނެވެ. މިއީ އަނިޔާ ލިބުނު އެއާޕޯޓުގައި މަސައްކަތް ކުރާ މީހުންނަށް ކުރި މަލާމާތެކެވެ. 

އެމެރިކާގެ އެމްބަސީގެ އެދުމަށް އޭނާ ސިއްރިއްޔާތުގައި ފުރުވާލަން ވެސް މަސައްކަތް ކޮށްފައިވެ އެވެ. 

އޭނާ މުޒާހަރާ ހިންގުމަށް މަސައްކަތްކޮށްފައި ވަނީ އޭނާގެ އެކްސެސް ބެގޭޖަށް ފައިސާ ދޭން ބޭނުން ނުވެގެންނެވެ. އެ މަންޒަދު ދައްކުވައިދޭ ވީޑިޔޯތައްވެސް ސޯޝަލް މީޑިޔާގައި ދައުރުވެފައިވެ އެވެ.

ވީޑިޔޯއިން ފެންނަނީ ހަމަނުޖެހުން ހިންގައި އަނިޔާ ކުރުމަށްފަހު ހަމަޖެހިލައިގެން އޭނާ ދާ މަންޒަރެވެ. އެހެންނަމަވެސް ފަހުން އޭނާ ހައްޔަރުކޮށްފައިވެ އެވެ. 

މި މައްސަލައިގައި ކަންކަން ހިނގާ މިދިޔަ ގޮތުންވެސް ރާއްޖޭގެ ހާރިޖީ މިނިވަންކަން ރާއްޖޭގެ އަތްމަތީގައި ނެތްކަން ހާމަވެގެން ގޮސްފައިވެ އެވެ.