އަނދިރި ދައުލަތުގެ އަތްގަދަވެ، އަފްޤާނިސްތާނަށް ދަތުރެއް ކޮށްދޭނެ ޗާޓަރ ފުލައިޓެއް ހޯމް މިނިސްޓްރީއިން ހޯދަނީ

ދައުލަތުގެ ތެރޭގައި އަނދިރި ދައުލަތެއް އަށަގަނެފައިވާ ވާހަކަ އާއި އެތެރެއެތެރޭން ނިންމާ ކަންތައްތަކުގެ ވާހަކަ އެކި ލެވަލްތަކުގައި ދަނީ ދައްކަމުންނެވެ. ނަމަވެސް، ގޭދޮށު ޖޯލިފަތީގައި ދޮންއަމާ ދުފާލަން އިންދަ މިލިބުނީ ބިރުން ފިއްކަނޑައިގެން ދާވަރުގެ ޚަބަރެކެވެ. ހޯމް މިނިސްޓްރީއިން ޗާޓަރ ފްލައިޓެއް އަފްޤާނިސްތާނަން ދަތުރެއް ކުރަން ހޯދުމަށް 2 ކުންފުންޏަކާ ގުޅައިގެން އަދި ކާމިޔާބު ނުވެގެން އުޅޭ ވާހަކައެވެ. އެ ސަރަހައްދުގެ ސަލާމަތީ ކަންތައްތައް ހުރި ގޮތުން އެއްވެސް އެއާލައިނަކުން ފްލައިޓެއް އެސަރަހައްދަށް އޮޕަރޭޓުކުރަން ނުކެރެނީއެވެ. މިފަހަރަކު ފުރަމާނަ ދަތުުރުއްނޫނެވެ. އަފްގާނުގައި ތިބި ދިވެހި ހަނގުރާމަވެރިން އަދި އެމީހުންގެ އަނބިދަރިން ރާއްޖެ ގެންނަން ވެގެންނެވެ. މިކަމަށް އެންމެ ޕްރެޝަރ ކުރަނީ ޖަމިއްޔަތުއްސަލަފުގެ ނަމުގައި އުޅޭ ސިޔާސީ ބައެއްކަން ދޮންއަމާއަށް މައުލޫމާތު ދިންފަރާތުން ތަކުރާރުކޮން ކަށަވަރުކޮށްދިނެވެ. 

މައްސަލައަކީ އެ ދިވެހިން އަދި ދިވެހިންގެ ދަރިންކަމަށް ބުނާ މީހުން ރާއްޖެ ގެނައުމެއްނޫނެވެ. އެކަން ކުރަންޖެހޭ އެކަށީގެންވާ ދިރާސާ ސަރުކާރުން ނަހެދުމެވެ. އެވެރިން ހަނގުރާމާގައި ބައިވެރިވި މިންވަރު، އަދި ތަމުރީނުވެފައިވާ މިންވަރު ކަށަވަރު ނުކުރުމެވެ. ރިހިބިލިޓޭޝަން ޕޮރޮސެސް ގެންދާނެ ގޮތުގެ ޕްލޭނެއް އެކުލަވާލާފަ ނެތުމެވެ. އަދި އަމުދުން ރައްޔިތުންނަން މިކަން ސިއްރުކުރުމުން މިކަމުގެ އަޑީގައިވާ ހިޔަޅު ރޭވުން ފަހުމްވެއެވެ. 

ޖަމިއްޔަތުއްސަލަފުގެ ރައީސް އަބްދުﷲ ބިން މުހައްމަދު އިބްރާހީމް -  މުއިއްޒު ހޮވުމަށް ޑިމޮކްރަސީއާއި ވޯޓުލުން ހަލާލު ކަމަށް ބުނި

ހާލުގައި ޖެހިފައިތިބި ދިވެހިން ދުނިޔޭގެ ކޮންމެ ބައްރެއްގައި ތިއްބަސް ގެނެސް އެހީތެރިކަން ފޯރުކޮށްދިނުމަކީ ވަލިއްޔުލްއަމްރުގެ ޒިންމާއެކެވެ. އެކަން ކުރަންވީ ސަލަފު ޖަމިއްޔާއިން ޕްރެޝަރު ކޮށްގެން ސިއްރިއްޔާތަކު ނޫނެވެ. އެހެންނަމަވެސް ދެން އެވާހަކަ އިތުރަށް ދައްކައިފިނަމަ ދޮންއަމާ ވާނީ ލާދީނީ މީހަކަށެވެ. 

ޖަމިއްޔަތުއްސަލަފުގެ ނުފޫޒު ސަރުކާރުގައި އޮތް މިންވަރު މި ބުނެދެނީއެވެ. ސަލަފުގެ ފައުންޑަރ އަދި ޗީފް މާކެޓިން އޮފިސަރ އަލީ ރަމީޒު ކުރެއްވީ އެންމެ ޓުވީޓެކެވެ. ޔޫތު މިނިސްޓްރީން އިއުލާނުކޮށްގެން ބާއްވަން އުޅުނު, އަދި އެހާތަނަށް 21 މިލިއަން ދިވެހި ރުފިޔާ ޚަރަދުކޮށްފައި އޮތް ނިއު އިޔާ ޝޯ ކެންސަލްކުރަން މަޖުބޫރުވެ ކެންސަލް ކުރީއެވެ. މިއީ ލައްކަ ވާހަކަ ނޫންތޯއެވެ.

ސަރުކާރުގެ ހެޔޮވަރު މިންވަރެއްގެ ބޮޑެތި މަގާމުތައް ޖަމިއްޔަތުއްސަލަފަށް ދިން ސަބަބަކީ ރައީސް މުއިއްޒަކީ ސަލަފްގެ ރައީސް އަބްދުﷲ ބިން މުހައްމަދު އިބްރާހީމްގެ ޅިޔަނެވެ. ފަސްޓް ލޭޑީއަކީ ޖަމިއްޔަތުއްސަލަފުގެ ރައީސްގެ އެއްބަފާ ކޮއްކޯފުޅެވެ. މުއިއްޒު ވެރިކަމަށް ގެނައުމަށް ސަލަފުން ދީން ހަތިޔާރަކަށް ހަދައި، ދޮގު ތެދުކަމަށް ދެއްކި ސަބަބަކީ އެއީއެވެ.