ދައުލަތުގައި ފައިސާ ނެތޭ، ހުރީ ހުސް ލައްޑޫއޭ ކިޔާ އައިސް ކުރާ ހަރަދުތަކުން ދަނީ ސިއްސައިގެން! މާތައް ގެނައުމަށް 50 މިލިއަން ރުފިޔާ ހަރަދުކުރި!

ދިވެހި ދައުލަތް އޮތީ ބަނގުރޫޓުވެފައި ކަމަށާއި ދައުލަތުގެ ބައިތުލްމާލުގައި ހުރީ ހުސް ލައްޑޫކަމަށް ބުނެ ވެރިކަމަށް އައިސް ކުރާ ހަރަދުތަކުން ދަނީ ސިއްސައިގެންނެވެ. 

ފިތުރު އީދަށް މުޅި މާލެއާއި ރާއްޖެތެރެއިން މުއިއްޒު ގަޔާވާ ރަށްތައް ދިއްލާލުމަށް 50 މިލިއަން ރުފިޔާ ވަނީ ހަރަދުކޮށްފައެވެ. 

އޭގެ އުފާ ވެސް ރާއްޖޭގެ ކުދި ރަށްތަކުގެ ރައްޔިތުންނަކަށް ނުލިބުނެވެ. 

މީގެން މަލެއްގެ އަގަކީ 200 ޑޮލަރެވެ. އޭގެ މާނައަކީ މީގެ 100އެއްހާ މާ 3 ލައްކަ ރުފިޔާއަށް ލިބޭނެއެވެ. 50 މިލިއަން ރުފިޔާ ހޭދަކުރީ ކިހިނެއްތޯ އެނގެން އެބަ ޖެހެއެވެ. 

ގައުމު ދަރުވާލީއޭ ކިޔައި ރައްޔިތުންނަށް ދޮގު ހަދައި އޮޅުވާލުމަށްފަހު މިހިރަ ކުރާ ހަރަދުތަކަކީ އެހާ ބޮޑަށް ދަރާފައި އޮތް ގައުމެއް ނަމަ އިސްރާފެއް ނޫންހެއްޔެވެ؟ 

ރައްޔިތުންނަށް ހަގީގަތް ބުނެދޭށެވެ. މިހާރު މިކުރާ ބޭކާރު ހަރަދުތަކުން ގައުމު ދަރާފައޭ ބުނެ މުއިއްޒު އޭރު ހެދީ ހުސް ރޯ ބުހުތާނު ދޮގުކަން މިއޮތްގެން ހާމަވަނީއެވެ.