ދިވެހި ޅެމުން ރުގްޔާ ކުރެވޭނެކަމަށް އަނެއްކާވެސް މިނިސްޓަރު ނަސީރު ދައުވާކޮށް މިކަން ދިރާސާ ކުރުމަށް ޤައުމީ ޔުނިވަރސިޓީއާ ހަވާލުކޮށްފި - ކީރިތި ޤުރުއާނާ ދިވެހި ޅެމާ އެއްހަމަ ކުރާއިރުވެސް އިލްމުވެރިންގެ އަޑެއް ނެތް

ދިވެހި ޅެމުން ރުގްޔާ ކުރެވޭނެކަމަށް އަނެއްކާވެސް މިނިސްޓަރު ނަސީރު ދައުވާކޮށް މިކަން ދިރާސާ ކުރުމަށް ޤައުމީ ޔުނިވަރސިޓީއާ ހަވާލުކޮށްފި އެވެ. 

ޅެމުން ފަރުވާ ހޯދުމަށް ދިރާސާ ކުރުމަށް ގައުމީ ޔުނިވާސިޓީއާ ހަވާލުކޮށް މި މަހު އެއްބަސްވުމުގައި ސޮއިކުރުމަށް ވަނީ ނިންމާފައެވެ. 

ޅެމުން ރޫހާނީ ބަލިތަކަށް ފަރުވާ ހޯދޭނެކަމަށް މީގެ ކުރިންވެސް ނަސީރު ދައުވާކޮށް ރުގްޔާ ފަދަ ކަންކަމާ ޅެން ހެދުން ވަނީ އެއްފަދަކޮށްފައެވެ. 

މިގޮތަށް މިވާހަކަ ދައްކައި ކީރިތި ޤުރުއާނާ ދިވެހި ޅެމާ އެއްހަމަ ކުރާއިރުވެސް އިލްމުވެރިންގެ ފާޑުކިޔުމެއް މިކަމަށް ނެތެވެ. 

މިފަދަ އެތައް ކަމެއް މިސަރުކާރުން ކުރަމުންދާއިރުވެސް އަދި މުޖުތަމައުގެ އަދަބު އަހުލާގަށް ނުފެތޭ އެތައް ކަމެއް ހިނގާއިރުވެސް މިހާރު ސަލަފް ޖަމިއްޔާގެ އެއްވެސް އަޑެއް ނެތެވެ.

އެމްޑީޕީގެ ވެރިކަމުގައި ކަމެއް ހިނގިޔަސް ނުހިނގިޔަސް، އެ ހުރިހާ ކަމެއް ސަރުކާރު ބޮލުގައި އެޅުވުމުގައި އެންމެ ކުރީގައި އޮތީ ސަލަފް ޖަމިއްޔާއެވެ.