ދިވެހިން ފެނަށް ޖެހިފައިވާ ކަމަށް ދައްކައި ޗައިނާއިން ފެން ކޭސްތަކެއް ރާއްޖެއަށް ގެނެސްފި، މި ފެން ކޭސްތައް ޖަހަނީ ހުޅުމާލޭގެ ވަގުތީ މިސްކިތް ބަންދު ކުރުމަށްފަހު!

ދިވެހިން ފެނަށް ޖެހިފައިވާ ކަމަށް ދައްކައި ޗައިނާއިން ފެން ކޭސްތަކެއް ރާއްޖެއަށް ގެނެސްފި އެވެ. 

މި ފެން ކޭސްތައް ޖަހަނީ ހުޅުމާލޭ ފޭސް އެެކެއްގެ ވަގުތީ މިސްކިތް ބަންދު ކުރުމަށްފަހު އެވެ. 

އެތައް ބަޔަކު ނަމާދަށް އަރާ މިސްކިތެއް ބަންދުކޮށް، ޗައިނާގެ ބޭކާރު ޕްލާސްޓިކް ފެން ކޭސް ތަކެއް ޖަހަމުން ދަނީ މުއިއްޒު އާއި ސާޖިދާ ފެންވެރުމަށާއި، ކިޔު ހަދައި ބެހުމަށެވެ. ރާއްޖެ ފެނަށް ޖެހިއްޖެކަމަށް ދެއްކިއިރު މި ފަހުގެ ދުވަހެއްގައި ރާއްޖެ ފެނަށް ޖެހިފައެއް ނެތެވެ.

ދިވެހިންނަކީ ފެނަށް ޖެހިގެން އުޅޭ ފަގީރު ގައުމެއް ނޫންކަން ޗައިނާ ސަރުކާރަށް ސާފުކޮށްދޭން ޖެހެ އެވެ. ރާއްޖެ އޮތީ ފެނަށް ޖެހިފައިކަމަށް ބޭރު ގައުމުތަކުގެ މީޑިޔާތަކުގައި ވެސް މިހާރު އޮތީ ރިޕޯޓުކޮށްފައެވެ. ރާއްޖެ އޮތީ ފެނަށް ޖެހިފައި ކަމަށް ބުނެ 1500 ޓަނުގެ މައުންޓެއިން ވޯޓަރ ރާއްޖެއަށް ހަދިޔާ ކޮށްފައިވާކަމަށް މީޑިޔާތަކުގައި ރިޕޯޓުކޮށްފައި އެބަހުއްޓެވެ. 

މުއިއްޒު ވެރިކަމާ ހަވާލުވިފަހުން ބޭރު ގައުމުތައް ހާއްސަކޮށް ޗައިނާއަށް ރާއްޖެއަކީ ފަގީރު ގައުމެއްކަމަށް ދެއްކުމަށް އަންނަނީ މަސައްކަތް ކުރަމުންނެވެ. އެގޮތުން ފަގީރު ހިސާބުތަކުގައި ކާބޯތަކެތި ބަހާ އުސޫލުން ފޭސް 2 ގައި އުޅޭ ރައްޔިތުންނަށް އެކަނި 40 ޓަނުގެ ފިޔާ ބަހައި ނިންމާލާފައިވެ އެވެ.