ދޯޏެއް ގެއްލުނުތާ 24 ގަޑިއިރުވީއިރުވެސް، 720 މިލިއަން ހަރަދުކޮށްފައި ގެނައި ސާޗް އެންޑް ރެސްކިއު ޑްރޯން ބޭނުން ނުކުރޭ, ބޭނުން ކުރަނީ މޯލްޑިވިއަންގެ ބޯޓެއް!

ކ.ތިލަފުށިން ފުރައިގެން މ. އަތޮޅަށް ދަތުރުކުރި ދޯންޏެއް ގެއްލިގެން ހޯދަން ކުރާ މަސައްކަތުގައި ބޭނުންކުރަނީ މޯލްޑިވިއަންގެ ބޯޓެއްކަން ހާމަވެއްޖެއެވެ. 

ތިލަފުށިން ފުރައިގެން މ.މެދުފުށި އައިލެންޑް ރިޒޯޓަށް ދަތުރުކުރަމުންދިޔަ “AAA-37” ނަމަކަށް ކިޔާ މުދާ އުފުލާ ދޯންޏެއްގެ ޚަބަރެއް ނުވެގެން، އެ ދޯނި ހޯދުމުގެ މަސައްކަތް އަންނަނީ ކުރަމުންނެވެ. 

މިކަން މިހެން ކުރަމުންދާއިރު 3 މިލިއަން ޑޮލަރު (720 މިލިއަން ރުފިޔާ) ހަރަދުކޮށްގެން ޑްރޯންތަކެއް ގަތް ވާހަކަ ދެއްކީ މީގެ ދުވަސްކޮޅެއް ކުރިންނެވެ. އަވަސް އަރުވާލައި ގަތް ޑްރޯންތަކުގެ ކަޓަށް މުއިއްޒުގެ ޖީބަށް 324 މިލިއަން ރުފިޔާ ވެއްދިއެވެ. 

މީގެ ކުރިން ކުއްޖަކު ގެއްލިގެން ހޯދަން ކުރި މަސައްކަތުގައިވެސް މި ސަރުކާރުން ފަރުވާކުޑަ ކޮށްފައިވާތީ އެކަމަށް ގިނަ ބަޔަކު ވަނީ ނުރުހުން އަމާޒުކޮށްފައެވެ. އެ ފަހަރު އެހީ ނުހޯދާ މަޑުކުރީ އިންޑިޔާގެ އެހީ ހޯދައި އިންޑިޔާ މީހުން ލައްވައި ޑޯނިޔާ މަތިންތާބޯޓު ދުއްވަން ޖެހޭތީއެވެ. 

އިންޑިޔާގެ އެހީގައި ޑޯނިޔާ ނުދުއްވުމަށް މިގެނައި ޑްރޯންތަކުގެ ބޭނުން ދެން ކުރާނީ ކޮން އިރަކުން ހެއްޔެވެ؟ އެއީ ކީއްކުރަން ގެނައި ޑްރޯން ތަކެއް ހެއްޔެވެ؟ ނަމަކަށް އިންޑިޔާ ސިފައިން މިތަނުން ބޭލުމަށް ހެއްޔެވެ؟