ޑިކްޓަރ އިހުސާން: ޝައްމާނަށް 3 މަސްތެރޭ ހުކުމްކުރަން ޖެހޭނެ!

ކުރީގެ އިމިގްރޭޝަން ކޮންޓްރޯލަރ މުހައްމަދު ޝައްމާން ވަހީދުގެ މައްޗަށް ތުހުމަތު ކުރާ މަނީ ލޯންޑަރިން މައްސަލައިގައި އެންމެ ލަސްވެގެން ކުރިއަށް އޮތް ތިން މަސް ތެރޭ ހުކުމްކުރަން ޖެހޭނެ ކަމަށް އަމުރުކޮށް، ވަގު ސެޓްފިކެޓެއް ގަނެގެން އަމިއްލައަށް ޑޮކްޓަރެއް ކަމަށް ދައުވާކުރާ، ޑީއެންއާރްއިން ދިވެހި ރައްޔިތުންގެ އައިޑީކާޑު ވަގަށްނެގި ކަމަށް އެއްބަސްވެފަވާ ހޯމްލޭންޑް މިނިސްޓަރ އަލީ އިހުސާން (ޑިކްޓަރ/އައްޕަތުރޭ) އެ މައްސަލައަށް ނުފޫޒު ފޯރުވަމުންދާކަން ކަށަވަރުވެއްޖެއެވެ.

ޝައްމާން ހައްޔަރުކުރީ މަގާމުގެ ނުފޫޒު ބޭނުން ކޮށްގެން ބިދޭސީންގެ އަތުން ގިނަ އަދަދެއްގެ ފައިސާ ނެގި ކަމަށް ބުނާ މައްސަލައެއްގައެވެ.

މި އޮޕަރޭޝަންގެ ހުރިހާ މައުލޫމާތު އެނގޭ ބޭފުޅަކު ބުނީ ޝައްމާން ދިރިއުޅޭ ގޭން އަސްލު ފެނުނީ 257000 (ދެލައްކަ ފަންސާސް ހަތްހާސް) ރުފިޔާ އާއި 10000 (ދިހަހާސް) ޑޮލަރެވެ. އެއީ  އޭނާގެ އަނބިމީހާގެ ބޭސްފަރުވާގެ ކަންކަމަށް މެލޭޝިއާއަށް ދާންވެގެން އެއްކޮށްފަވާ  ފައިސާއެވެ.

ޝައްމާނަކީ ވަރަށް ކުރިންސުރެ ގިނަ އަދަދެއްގެ އަމިއްލަ ވިޔަފާރި ހިންގާ، ތަނަވަސް މީހެކެވެ. އަދި އޭނާ ދުއްވާ ކާރުގެ އަގުވެސް ގޭން ފެނުނު ފައިސާގެ އަދަދަށްވުރެ ބޮޑެވެ. އެހެންކަމުން މަގާމުގެ ނުފޫޒު ބޭނުންކޮށްގެން ބިދޭސީންގެ އަތުން ފައިސާ ހޯދަންޖެހޭ އެއްވެސް ސަބަބެއް ނެތެވެ. އަދި މިއީ ކަނޑައެޅިގެން އޭނާ ފްރޭމްކުރުމުގެ ނިޔަތުގައި ޑިކްޓަރ އިހުސާން ހިންގި ޖަރީމާއެއްކަން ސާފުވެއެވެ. 

ޑިކްޓަރ އިހުސާން އަމުރުކޮށްފަވަނީ މިފަހަރު ޝައްމާނަށް ޖަހާފަވާ މުއްދަތު ހަމަވުމުން މައްސަލަ ވަގުތުން ޕީޖީ އޮފީހަށް ފޮނުވާށެވެ. އަދި އެންމެ ލަސްވެގެން 3މަސް ތެރޭ ހުކުމަކާ ހަމަޔަށް ގެންދަންޖެހޭނެކަމަށް ޑިކްޓަރ އިހުސާން ވަނީ އަމުރުކޮށްފައެވެ.

ޑިކްޓަރ އިހުސާން އަޑީގަ ހުރެގެން ޝައްމާން ފްރޭމްކުރަން އުޅޭ އެއް ސަބަބަކީ ބޮޑުއަގުގަ ކޯޓާ ވިއްކަން ޑޮކްޓަރ އިހުސާން ހިންގާ އޮޕަރޭޝަނެއްގެ މައުލޫމާތު ޝައްމާނަށް އެނގި، އެކަން ހާމަކުރަން އުޅުމުންނެވެ.