އެކަށީގެންވާ އަދަދަށް ވުރެ ގިނައިން މީހުން އުފުލައިގެން ހިފެހެއްޓީ ޗައިނާ ކުންފުންޏެއްގެ ވެހިކަލެއް

އެކަށީގެންވާ އަދަދަށް ވުރެ ގިނައިން މީހުން އުފުލައިގެން ހިފެހެއްޓީ ޗައިނާ ކުންފުންޏެއްގެ ވެހިކަލެއް ކަން ހާމަވެއްޖެ އެވެ. 

ކުޑަ ޕިކަޕެއް ފަހަތަށް، އެއަށް ސަލާމަތް ނުވާ ވަރަށް މީހުން އަރުވައިގެން ސިނަމާލެ ބްރިޖު މަތީ ދުއްވާފައި ދަނިކޮށް ފުލުހުން ވަނީ އެ ޕިކަޕު ހުއްޓުވާފަ އެވެ. އަދި ޑްރައިވަރުގެ ލައިސަންސް ހިފަހައްޓާފައިވެ އެވެ. 

ޗައިނާ އަކީ މި ސަރުކާރުން ގުޅުން ބަދަހި ކުރަން އެންމެ މަސައްކަތް ކުރާ ގައުމެވެ. ސަރުކާރުގެ ސިޔާސީ އެކްޓިވިސްޓުންނަކީ ވެސް ޕްރޯ ޗައިނާ އެކްޓިވިސްޓުންނެވެ. 

އެހެންކަމުން މިއިން އެއްވެސް ކަމަކީ މައްސަލައެއްގެ ގޮތުގައި އެމީހުންނަށް ނުފެނެ އެވެ. 

މިއީ އިންޑިޔާ ކުންފުންޏެއްގެ ވެހިކަލެއް ނަމަ އެ މީހުން މި ވާހަކަ ދެއްކުން ހުއްޓާނުލާނެ އެވެ. މިއަދު މި ވާހަކަ ދައްކަން މާ ބޮޑަށް ލަދު ގަންނަނީ ހެއްޔެވެ؟ ނޫނީ ޗައިނާގެ ރުހުން ގެއްލިދާނެތީ މި ވާހަކަ ދައްކަން ބިރު ގަންނަނީ ހެއްޔެވެ؟