ފުށިދިއްގަރު ފަޅުން ހިއްކުނީ އެންމެ 6 ހެކްޓަރު، މުއިއްޒު ބުނަނީ 10 ހެކްޓަރު ހިއްކިއްޖެ ކަމަށް! މުއިއްޒުގެ އަގު ވެއްޓުނީ ދޮގު ހަދާ ވަރުން!

މުއިއްޒުގެ ރަސްމާލެ ޕްރޮޖެކްޓްގެ ދަށުން ހިއްކަން ފެށި ފުށިދިއްގަރު ފަޅުން ހިއްކުނީ އެންމެ 6 ހެކްޓަރު ކަމާއި މުއިއްޒު ހަދަމުން ދަނީ ހުސް ދޮގުކަން ހާމަވެއްޖެއެވެ. 

މުއިއްޒު ބުނާ ގޮތުން ފުށިދިއްގަރު ފަޅުން 10 ހެކްޓަރުގެ ބިން މިހާރު އޮތީ ހިއްކާފައެވެ. 

އެހެންނަމަވެސް މިދިޔަ މަހު ނެގި ޑްރޯން ފޮޓޯތަކަށް ބަލާއިރު އެއީ ދޮގުކަން ހާމަވެއެވެ. 

ރައްޔިތުންގެ ލޮލުގައި އަނދުން އަޅުވައި މި ސަރުކާރުން ފެށި ހަމައެކަނި ޕްރޮޖެކްޓް ކަމަށްވަ ރަސްމާލެ ޕްރޮޖެކްޓްވެސް ކުރިއަށް ނުގޮސް މަޑު މަޑުން ހުއްޓިއްޖެއެވެ. އެއީ އެއްވެސް ޕްލޭނެއް އޮވެގެން ފެށި ޕްރޮޖެކްޓެއް ނޫނެވެ. 

މުއިއްޒުގެ މިފަދަ ދޮގުތަކުގެ ސަބަބުން ވެރިކަމަށް ހަ މަސް ވީއިރު މުއިއްޒުއަށް އޮތް ތާއީދު ވަރަށް ބޮޑުތަނުން ގެއްލިއްޖެއެވެ. މިއީ ވެރިކަމަށް އައުމަށްފަހު ރައީސަކަށް އޮތް ތާއީދު މިހާ އަވަހަށް ގެއްލުނު ފުރަތަމަ ރައީސެވެ. 

މުއިއްޒުއަށް ތާއީދެއް ނެތްކަން ރޭ ހިޔާ ފްލެޓު ސަރަހައްދުގައި ކުރިއަށް ދިޔަ އިވެންޓުން ހާމަވިއެވެ. ފަހު 10 އެއް ބަންދުކޮށް، އިވެންޓް އެވަރަށް ޕްރޮމޯޓް ކުރުމުން ވެސް 500 އެއްހާ މީހުންވެސް އިވެންޓަށް ގޮސްފައެއް ނުވެއެވެ. 

މުއިއްޒު އާއި އޭނާގެ ސަރުކާރު މިވަނީ ބޮޑު ތަނުން ފެއިލްވެފައެވެ.