ގއ. ވިލިނގިލީގައި 18 އަހަރު ނުފުރޭ ކުއްޖަކަށް ބުލީކޮށް، ފުރައްސާރަކުރުމުގެ މައްސަލަ ހައްލުނުވެ ދިގުލައިގެންދިއުމުން - އާއިލާއިން މީސްމީޑިއާއަށް ނުކުމެއްޖެ

ގއ. ވިލިނގިލީގައި 18 އަހަރު ނުފުރޭ ކުއްޖަކަށް ބުލީކޮށް ފުރައްސާރަކުރާ މައްސަލަ ހައްލުނުވެ ދިގުލައިގެންދާތާ 4 ދުވަސްވެއްޖެއެވެ. މި މައްސަލައިގައި ސްކޫލުގެ ކުދިންތަކެއް އެ ކުއްޖާއަށް ގަނާކުރާކަމަށް ބުނެ، ކަމާބެހޭ އިދާރާތަކަށް މައްސަލަ ހުށަހަޅާފައިވީނަމަވެސް، އަދިވެސް އެއްވެސް ހަބަރެއް ނުވާކަމަށް އައީލާއިން ފާހަގަކުރެވިފައެވެ.

ވިކްޓިމްގެ އާއިލާގެ ފަރާތުން ޝާޖިދު އޭނާގެ އެކްސްގައި ލިޔުއްވާފައިވަނީ މިފަދަ ނާޒުކު މައްސަލައެއްގައި 4 ދުވަސް ނެގުމަކީ އިހުމާލެއް ކަމަށެވެ. އަދި މި މައްސަލަ ހައްލުކުރުމަށް ސަރުކާރުން އެކަށީގެންވާ މަސައްކަތެއް ނުކުރާތީ އެކަން ކުށްވެރިކުރާ ކަމަށްވެސް ވަނީ ފާހަގަކޮށްފައެވެ.

އަލީ ޝާޖިދުގެ އެކްސް އެކައުންޓު ޓުވީޓެއް

ރަށުގެ ގިނަ މީހުން ދެކޭގޮތުގައި މިއީ އަޅާނުލާ ދޫކޮށްލާވަރަށްވުރެ ނުރައްކާތެރި މައްސަލައެކެވެ. މިކަމާ ގުޅިގެން ރައްޔިތުންގެ ކަންބޮޑުވުން އިތުރުވަމުންދާއިރު، ކަމާބެހޭ އިދާރާތަކުން އަވަސް ފިޔަވަޅުތަކެއް ނޭޅުމަކީ ކަމުގެ ގޮތުން އިތުރަށް މަސްލަހަތު ގެއްލިދާނެކަމެއް ކަމުގައި ދެކެމެވެ.

ފުލުހުންގެ އިދާރާއިން ޝިފާނު އެކްސްގައި ލިޔެފައިވަނީ މި މައްސަލަ ދަނީ އިދާރާތަކާ ގުޅިގެން ބަލަމުންކަމަށާއި، މިކަން އޮޅޭގޮތަށް އެއްވެސް މީހަކު ވާހަކަ ނުދެއްކުމަށް އެދޭކަމަށެވެ. ނަމަވެސް، މިފަދަ މައްސަލަތަކުގައި ހާމަކަން ބޮޑު، އަވަސް ތަޙުޤީޤެއް ކުރިއަށްގެންދިއުމަކީ މުހިންމުކަމެއްކަމެކެވެ. ސިހުރު ހެދިކަމަށް ސައްކު ކުރެވުނު މީހާ ހައްޔަރު ކުރަން ނެގީ މަދުވަގުތު ކޮޅެކެވެ. މިކަން ދިގުލައިގެން މިދަނީ ސިޔާސީ ނުފޫޒުންކަމަށް ދޮންއަމާ އޮންލައިންއިން ތުހުމަތުކުރަމެވެ.

ކުޑަކުދިންގެ ޙައްޤުތައް ރައްކާތެރިކުރުމަށާއި، ބުލީކުރުމުގެ މައްސަލަތައް ހައްލުކުރުމަށް ސަރުކާރުންނާއި ކަމާބެހޭ އިދާރާތަކުން އިތުރު ސަމާލުކަމެއް ދޭންޖެހޭކަން މި މައްސަލައިން ވަނީ ހާމަވެފައެވެ.