ހައްޖު ކޯޕުރޭޝަން ކަރަޕުޝަންގެ ހާޔަކަށް- މިއަހަރު ޙައްޖުވެރިންގެ އުލްހިޔާއާ ކަތިލިބާ؟

މިއަހަރުގެ ހައްޖުގެ އުލްހިޔާ ކަތިލިތޯ ސުވާލު އުފެދިއްޖެއެވެ. ބަކަރި ކަތި ނުލާ ފައިސާ ކާލީ ކަމަށް ޚަބަރު ލިބެއެވެ. އަނެއް ބަޔަކު ބުނަނީ 500 ބަކަރި ކަތިލި ކަމާއި އަނެއްބައިގެ ފައިސާ ކާލީ ކަމަށެވެ. ނޭނގޭ ކަމަކީ
‏އަދި ޔަގީން ނުވާ ކަމަކީ ޙަައްޖުގެ އެންމެ މުހިންމު ބައި އުލްހިޔާ ކަތިލިކަން ކަށަވަރު ނުވާ ކަމެވެ.

‏އިސްލާމި މިނިސްޓްރީއާއި މޯލްޑިވްސް ޙައްޖު 
‏މިޝަނާއި މޯލްޑިވްސް ޙައްޖު ކޯޕަރޭޝަނުން ދިޔައީ ޙައްޖުގެ ތައްޔާރީތަކުގެ ފުރިހަމަކަމާއި އެކަމާއި ގުޅޭ ލައިވް އަޕްޑޭޓްސްތައް ބަރާބަރަށް ވަގްތުންވަގްތައް ފޭސްބުކް އަދި ޕީއެސްއެމް މެދުވެރިކޮން ފޯރުކޮންދެމުންނެވެ. މަޢުލޫމާތު ފޯރުކޮންދިނުމުގައި އެއްބަޔަކު އަނެއްބަޔަކާއި ވާދައަށް އުޅުނުހެއްވެސް ހީވި އެތަށްފަހަރެއް ދިޔައެވެ. އެހެންނަމަވެސް ޙައްޖުގެ އެއް ރުކުން ކަމުގައިވާ ޙައްޖުވެރިންގެ ގުރުބާނީ ނުވަތަ އުލްހިޔާއާ ގުޅޭ އެއްވެސް ފޮޓޯއެއް އަދި ވީޑިއޯއެއްވެސް ޙައްޖު މިޝަންއަކުންވެސް އަދި ޙައްޖު ކޯޕަރޭޝަނުންވެސް ސޯޝަލް މީޑިއާއަކުން ވެސް ފޯރުކޮންދީފައިނުވާތީ މިކަށް ކުރިކަމާއިމެދު ވަރަށް ގިނަ ޙައްޖުވެރިންގެ މެދުގައިވަނީ ސުވާލު އުފެދިފައެވެ.
‏ 
‏ޙައްޖު ކޯޕަރޭޝަންގެ ސީނިއާރ އޮފިޝަލަކު ހާމަކުރިގޮތުގައި ބަކަރި ކަތިލުމަށް ފައިސާ ދެއްކީ ކާކުއަށް އަދި ކޮން ގޮތަކަށްވެސް އެއްވެސް ސީނިއަރ މުވައްޒަފަކަށް ނޭނގެއެވެ. 

‏މި އިންތިޒާމު ހައްޖު ފެށުމުގެ ކުރިން ހަމަޖައްސާފައިވަނިކޮން ޗެއަރމަންކަމަށް ޝޭޙް މުހައްމަދު ރަޝީދު ހަވާލުވި ހިސާބުން ޝަކީލް މެދުވެރިވެ ބޯޑް މީޓިންއެއްވެސް ބޭއްވުމެއްނެތި މިކަމާއި ހަވާލުވުމަށް ޝަކީލްއަށް ހުށައެޅިއެވެ. ހޮޓަލާއި އެހެނިހެއް ޑީލްތަކުގައި އެމްޑީ ޝަކީލްއަށް ކަޓްލިބޭގޮތަށް ޝަކީލްވަނީ ބަކަރި ކަތިލުމުގެ ކަންތައްތައް ދޫކޮންލާފައެވެ. އަދި މި ފައިސާ ހަވާލުކުރެވިފައިވަނީ އެމްޑީ ޝަކީލް މެދުވެރިކޮން ޗެއަރމަން ޝޭޚް މުހައްމަދު ރަޝީދުއާއި ކަމަށްވެއެވެ. މި ބުނާ ޗެއަރމަން ބެލުމުގެ ދަށުން ބަކަރި ކަތިލުމަށް ހަވާލުކުރި އެއްވެސް އަހަރަކު މިކަން ކުރިކަން އިނގޭނެ އެއްވެސް ހެއްކެތް ގަރީނާއެއް ނުލިބެއެވެ. މި ގޮތުން މައްކާގައި ދިރިއުޅޭ ބަރްމާ ނަސްލުގެ ޔާސީން ނަމަކަށް ކިޔާ މީހަކާއި ރިޔާލު ހަވާލުކުރިކަމަށް ޗެއަރމަން ބުނި ނަމަވެސް އެކަމާއި ގުޅޭ އެއްވެސް އިތުރު މަޢުލޫމާތެއް އެއްވެސް މުވައްޒަފަކާއިވެސް ޙިއްސާ ނުކުރެއެވެ. އެހެންވުމާއިއެކު މިއަހަރުގެ ޙައްޖުވެރިންގެ ފިދުޔަ ކަތިލިކަމާއިމެދު މިހާރުވަނީ ވަރަށްބޮޑަށް ސުވާލުއުފެދިފައެވެ.
‏ 
‏ޙައްޖުވެރިން މިކަމާއި މެދު އެހީތެރިންނާއި އަދި މުވައްޒަފުންނާއި ސުވާލުކުރުމުން އެކަން ކުރިކަމަށް އެމްޑީ އާއި ޗެއަރމަން ބުނާ ބުނުން ފިޔަވާ އިތުރު ހެއްކެތް ނެތް ކަމަށްވަނީ ބުނެފައެވެ.
‏ 
‏މިކަމާއި ގުޅޭގޮތުން ޙައްޖު މިޝަންއިންވެސް އަދި ޙައްޖު ކޯޕަރޭޝަނުންވެސް އެއްވެސް މަޢުލޫމާތެއް ނުދޭތީ އެކަންކުރުމަށް ދެއްކި ފައިސާއަށް ވީ ގޮތް ބެލުމަށް އެންޓި ކޮރަޕްޝަން ކޮމިޝަނަށް ގޮވާލަމެވެ