ހެޕީމާކެޓްގެ މައި ހިއްސާދާރަކީ އިޒްރޭލު ޕާސްޕޯޓު އޮންނަ ފަރާތެއް - އިޒްރޭލު ޕާސްޕޯޓު މަނާ ނުކޮށްގެން އުޅެނީ ވިޔަފާރި ދަށްވެދާނެތީ

މިހާރުގެ ސަރުކާރުގެ ހޯމް މިނިސްޓަރ އަދި ސަރުކާރުގެ ކޮންޓްރޯލް ނަގާފައިވާ އިހުސާންގެ އާއިލީ ވިޔަފާރި ހެޕީމާކެޓްގެ މައި ހިއްސާދާރަކީ އިޒްރޭލު އަދި އޮސްޓްރިއާގެ ޕާސްޕޯޓު އޮންނަ މައިކަލް އެލެކްޒެންޑަރ ލަޓްޒްކާ ކިޔާ ޔަހޫދީ ޒަޔަނިސްޓެއްކަން ހާމަވެއްޖެއެވެ. 

ނަމަވެސް، ސަރުކާރުން މިހާތަނަށް އިޒްރޭލު ޕާސްޕޯޓު މަނާކޮށްފައި ނުވަނީ ހެޕީމާކެޓްގެ ވިޔަފާރިއަށް އޭގެ ނޭދެވޭ އަސަރެއް ކޮށްފާނެތީއެވެ. ހެޕީމާކެޓަކީ މުއިއްޒުގެ ކެމްޕޭނަށާއި ޕީއެންސީ މަޖިލިސް އިންތިޚާބަށް އެތައް ސަތޭކަ މިލިއަނެއް ޚަރަދު ކުރި ފަރާތެކެވެ.

މީގެ އިތުރުން، މި ސަރުކާރުގެ ނުފޫޒުގަދަ މަޖިލިސް މެންބަރު ޓޮމްއަކީވެސް ގިނަ އަދަދެއްގެ އިޒްރޭލު ފަތުރުވެރިން ގެންނަ ޓުއަރ އެޖެންސީއެއްގެ މައި ހިއްސާދާރެކެވެ. އަދި ޓޮމްއާއެކު އެ ޓުއަރ އެޖެންސީގައި ދެންވެސް ހުންނަނީ އިޒްރޭލުގެ ޒަޔަނިސްޓެކެވެ.

މި ހާމަވި މަޢުލޫމާތުތަކާ ގުޅިގެން، ގިނަ ރައްޔިތުން ދަނީ ސަރުކާރުގެ މި ޢަމަލުތަކާމެދު ކަންބޮޑުވުން ފާޅުކުރަމުންނެވެ. އަދި އިޒްރޭލު ޕާސްޕޯޓު އަވަހަށް މަނާކުރުމަށް ގޮވާލަމުންނެވެ.