އިންޑިޔާ ސިފައިން ރާއްޖެއިން ބޭލުމަށްފަހު މި ގެނައީ އިސްރާއިލުގެ އަސްކަރިއްޔާއަށް އެހީތެރިކަން ފޯރުކޮށްދޭ ކުންފުންޏެއްގެ ބައެއް! މި ބައިގަނޑު ދިވެހިންނަށް ހެޔޮ އެދޭނެކަމަށް ދެކެން ހެޔޮ ނުވާނެ!

އިންޑިޔާ ސިފައިން ބޭލުމަށްފަހު މުއިއްޒުގެ ސަރުކާރުން ގެންނަ މަދަނީ މީހުންނަކީ އިސްރާއިލަށް ވާގިވެރިވާ ބައެއްކަން ހާމަވެއްޖެ އެވެ.

އެނގިފައިވާ ގޮތުގައި މަދަނީ މީހުންގެ ގޮތުގައި ގެންނަނީ އިންޑިޔާގެ ހެލިކޮޕްޓަރުތައް ހެދި ކުންފުނިކަމަށްވާ ހިންދުސްތާން އޭރޯނޮޓިކްސް ކުންފުނީގެ މީހުންނެވެ. އެއީ ސީދާ އިންޑިޔާ އަސްކަރިއްޔާގެ ދަށުން ހިންގާ ކުންފުނީގެ މީހުންނެވެ.

މަދަނީ މީހުންގެ ގޮތުގައި ރާއްޖެއަށް ގެންނަނީ އެ ކުންފުނީގެ ކިތައް މީހުން ކަމެއްވެސް ސަރުކާރުން ހާމަކޮށްފައެއް ނުވެއެވެ. 

ފަލަސްތީނުގެ ރައްޔިތުންނާ މެދު އިހާނެތިކޮށް ހިތަމުންދާ ބަޔަކަށް ވާގިވެރިވާ ބަޔަކު ރާއްޖެއަށް ގެނެސްގެން ރާއްޖެއަށް ލިބޭނެ ހެވެއް، މޮޅެއް އޮންނާނެ ހެއްޔެވެ؟

އިޒްރޭލުގެ ޕާސްޕޯޓު މަނާކުރުމަށް އެދި އެތައް ދިވެހިންނެއް ސަރުކާރަށް ގޮވާލަމުންދާއިރުވެސް ސަރުކާރުން އެ ފިޔަވަޅު އަޅާފައެއް ނުވެއެވެ. އަދި އިޒްރޭލުގެ މީހުން ރާއްޖެ އައުން މަނާކުރުމަށް ގޮވާލައި ކުރާ އިހުތިޖާޖުތަކަށް މިހާރު ފުލުހުން ހުރަސް އަޅަން މަސައްކަތް ކުރާތަން ވެސް އަންނަނީ ފެންނަމުންނެވެ.