އިޒްރާއީލާއި ފަލަސްތީނުގެ މައްސަލައަކީ ދެގައުމެއްގެ ދެމެދުގައި ހިނގާ މައްސަލައެއް، އެއީ ދިވެހިންނާ ބެހޭ ކަމެއް ނޫން - ޕީއެންސީގެ ޕީޖީ ލީޑަރު

އިޒްރާއީލާއި ފަލަސްތީނުގެ މައްސަލައަކީ ދެގައުމެއްގެ ދެމެދުގައި ހިނގާ މައްސަލަތަކެއް ކަމަށް ބުނެ އެއީ ދިވެހިންނާ ބެހޭ ކަމެއް ނޫންކަމަށް ދޭހަވާ ފަދަ ގޮތަކަށް ޕީއެންސީގެ ޕީޖީ ލީޑަރު ވާހަކަ ދައްކައިފި އެވެ. 

މަޖިލީހުގެ ހުވާ ކުރުމަށްފަހު ޕީއެންސީގެ ޕީޖީ ގްރޫޕުން ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަމުން ޕީޖީ ލީޑަރު ފަލާހު ބުނީ އެއީ ދެ ގައުމެއްގައި ހިނގާ  ވަރަށް ބޮޑު ފޮރިން މައްސަލައެއް ކަމަށެވެ. 

އަދި އެކަމުގައި މަޖިލީހުން ގޮތެއް ނިންމާނީ ސަރުކާރުން ފޮނުވާ ގޮތަކަށް ރައްޔިތުންނަށް އެންމެ ފައިދާވާނެ ގޮތަކަށް ކަމަށް ފަލާހު ބުންޏެވެ. 

އިޒްރޭލުގެ ޕާސްޕޯޓު މަނާކުރުމަށް ދިވެހިން ގޮވާލަމުންދާއިރު އަދި ކުރީ މަޖިލީހުން ސަރުކާރަށް ފޮނުވިތާ 190 އަށްވުރެ ގިނަ ދުވަސްވީއިރުވެސް އެކަމާ މެދު އެއްވެސް ކަމެއް ސަރުކާރުން ކޮށްފައެއް ނުވެއެވެ. އިޒްރޭލަށް ގެންދިޔުމަށް ގެންދާ ހަތިޔާރުތައް ރާއްޖެ މަގުން ގެންދާއިރުވެސް އެކަން ހުއްޓުވައި މަނާ ކުރުމަށްވެސް އެއްވެސް ކަމެއް ކޮށްފައެއް ނުވެއެވެ.