އިޒްރޭލު ޕާސްޕޯޓު އެކަނި މަނާކުރަން ނުކެރިގެން ސިޔާސީ ގުޅުން ނެތް ހުރިހާ ގައުމެއްގެ ޕާސްޕޯޓު މަނާ ކުރަނީ - މީގެ ތެރޭގައި ގިނަ އަދަދެއްގެ ޓޫރިސްޓުން އަންނަ ގައުމުތަކާއި އަރަބި އިސްލާމީ ގައުމުތައް ހިމެނޭ

އިޒްރޭލު ޕާސްޕޯޓު އެކަނި މަނާކުރަން ނުކެރިގެން ސިޔާސީ ގުޅުން ނެތް ހުރިހާ ގައުމެއްގެ ޕާސްޕޯޓު މަނާ ކުރުމުގެ މަސައްކަތް ފަށައިފި އެވެ.

މީގެ ތެރޭގައި ގިނަ އަދަދެއްގެ ޓޫރިސްޓުން އަންނަ ގައުމުތަކާއި އަރަބި އިސްލާމީ ގައުމުތައް ހިމެނެ އެވެ.

ފޮރިން މިނިސްޓްރީގެ އޮފިޝަލަކު ބުނާ ގޮތުގައި އިޒްރޭލު ރައްޔިތުންނަށް އެހެން ގައުމުތަކުން ވިސާ ހޯދައިގެން ރާއްޖެ އާދެވޭ ގޮތަށް އޮތް އޮތުން މަނާ ކުރުމަށް އެއްވެސް މަސައްކަތެއް ކުރުމަށް ސަރުކާރުން ބޭނުން ނުވެއެވެ. 

މިކަމުން ވެސް މި ހާމަވަނީ ސަރުކާރުން އިޒްރޭލު ރައްޔިތުންގެ ޕާސްޕޯޓު މަނާ ކުރުމަށް ނުވިސްނާ ކަމެވެ. މިކަމުން ވެސް ދިވެހި ރައްޔިތުންނާއި ބޭރު ގައުމުތަކަށް ވެސް މިވަނީ އޮޅުވާލާފަ އެވެ. 

ސިޔާސީ ގުޅުން ނެތް ގައުމުތަކުގެ ޕާސްޕޯޓު މަނާ ކުރާއިރު މީގެ ތެރޭގައި ރާއްޖެއަށް ފަތުރުވެރިން އަންނަ އަރަބި އިސްލާމީ ގައުމުތައް ވެސް ހިމެނެއެވެ. ޔަހޫދީ ޒަޔަނިސްޓުންގެ ޕާސްޕޯޓު މަނާ ކުރަން ނުކެރިގެން އަރަބި އިސްލާމީ ގައުމުތަކުގެ ޕާސްޕޯޓު ވެސް މަނާ ކުރަނީ ހެއްޔެވެ؟