އިޒްރޭލް ޕާސްޕޯޓް މަނާކޮށްފިނަމަ ޔޫއެސްއެއިޑް އެހީ ކަނޑާލާނެކަމަށް އިންޒާރުދީފި، ޒަމީރު ދެއްވި ޔަގީންކަމަކީ ޕާސްޕޯޓް މަނާ ނުކުރާނެކަން

އިޒްރޭލް ޕާސްޕޯޓް މަނާކޮށްފިނަމަ ޔޫއެސްއެއިޑް އެހީ ކަނޑާލާނެކަމަށް އިންޒާރު ދީފި އެވެ. 

ފޮރިން މިނިސްޓަރު މޫސާ ޒަމީރު ހުންނެވީ އެމެރިކާގަ އެވެ. މި ދަތުރުގައި އެމެރިކާގެ އިސް ފަންތީގެ ބޭފުޅުންނާ ބައްދަލު ކުރުމަށް ހަމަޖެހިފައިވެ އެވެ. 

އިޒްރޭލު ޕާސްޕޯޓު މަނާ ކުރުމުގެ އުސޫލަށް އަމަލު ކުރަން ފަށަން ނުކުރެފައި އޮތީ އެމެރިކާގެ ސަބަބުންނެވެ. އެމެރިކާއަކީ ފަލަސްތީނަށް އިޒްރޭލުން ދޭ ހަމަލާތަކުގައި އެންމެ ވާގިވެރިވާ ގައުމު ކަމަށްވާއިރު މުއިއްޒު ސަރުކާރުން އަންނަނީ އެމެރިކާއާ އެކު ގާތް ގުޅުމެއް ބޭއްވުމަށް މަސައްކަތް ކުރަމުންނެވެ. 

ޔޫއެސް އެއިޑް އާ ބައްދަލުކޮށް ޒަމީރު ވަނީ ޕާސްޕޯޓް މަނާ ނުކުރާނެކަމުގެ ޔަގީންކަން ދީފައެވެ. އެއީ އެމެރިކާއިން ދޭ އެހީތައް ރާއްޖެއަށް މަނާ ނުކޮށް ސަލާމަތް ކުރުމަށް މުއިއްޒު ސަރުކާރުން ދޭ ޔަގީން ކަމެކެވެ. 

އެހެންނަމަވެސް ފަލަސްތީނު ރައްޔިތުންނަށް އަނިޔާ ވެރިވާ ބަޔަކު ދޭ އެއްވެސް ފައިސާއެއް، އެހީއެއް ދިވެހި ރައްޔިތުން ބޭނުން ނުވެ އެވެ. ދިވެހި ރައްޔިތުން ކެނޑިނޭޅި ގޮވާލަމުން އެ ދަނީ އިޒްރޭލު ޕާސްޕޯޓު ބޭން ކުރުމަށެވެ.