އިޒްރޭލު ޕާސްޕޯޓު މަނާ ކުރިކަމަށް އިއުލާން ކުރި ފަހުންވެސް އިޒްރޭލު މީހުން ރާއްޖެ އެތެރެވަނީ! އިއްޔެއާ ހަމައަށްވެސް 17 އިޒުރޭލުގެ ފަތުރުވެރިން އެތެރެވި!

ނަމެއްގައި އިޒްރޭލު ޕާސްޕޯޓު މަނާކުރި ފަހުން އިއްޔެއާ ހަމައަށްވެސް އިޒްރޭލުގެ 17 މީހަކު ރާއްޖެ އެތެރެވެއްޖެ އެވެ. 

ރާއްޖެއިން އިޒްރޭލު ޕާސްޕޯޓު މަނާކުރިކަމަށް ބައިނަލްއަގްވާމީ މީޑިޔާތަކުގެ ސުރުހީތަކަށްވެސް އަރާފައިވެއެވެ. އެހެންނަމަވެސް ހަގީގަތަކީ އަމަލީގޮތުން އަދިވެސް އިޒްރޭލުގެ ޕާސްޕޯޓު މަނާ ނުކުރާ ކަމެވެ. 

ރައީސްގެ އެންމެ ގަރާރަކުން ވާން އޮތް ކަމެއް ކެބިނެޓު ބައްދަލުވުމަކަށްފަހު އަނެއްކާވެސް ރައްޔިތުންގެ މަޖިލީހަށް އެކަން ފޮނުވާލީ އެވެ. މުއިއްޒު ބުނާ ގޮތުން އިޒްރޭލު ޕާސްޕޯޓު މަނާ ކުރެވެން އޮތީ ގާނޫނަށް އިސްލާހު ގެނެސްގެންނެވެ. އެހެންނަމަވެސް އެއީ އެކަން އޮންނަ ގޮތެއް ނޫނެވެ. ގައުމުތަކާ ގުޅުން ދެމެހެއްޓުމާއި ގުޅުން ކެނޑުމުގެ ބާރު ރައީސުލްޖުމްހޫރިއްޔާއަށް ލިބިގެންވެއެވެ. 

އިޒްރޭލު ޕާސްޕޯޓު މަނާ ކުރުމަށް މަޖިލީސް ބޮލަށް ކަނޑާލުމަށްފަހު ގާނޫނަށް އެފަދަ އިސްލާހެއް ގެނައުމަށް ހުށަހަޅާފައެއް ވެސް ނުވެއެވެ. އެމްޑީޕީން ހުށަހެޅި އިސްލާހުގެ މަސައްކަތް ވެސް ނުފަށައި އޮތީ މަޑު ޖައްސާލާފަ އެވެ. 

އިޒްރޭލު ޕާސްޕޯޓު މަނާ ކުރަނީކަމަށް މުޅި ދުނިޔެއަށް އެންގުމަށްފަހު މިހާރު މުއިއްޒު މަސައްކަތް ކުރަމުންދަނީ އިޒްރޭލުގެ ސިޔާސީ ވެރިންނާއި އަސްކަރިއްޔާ މީހުންނަށް އެކަނި ރާއްޖެއަށް ނާދެވޭ ގޮތަށް ހެދުމަށެވެ. އެހެންނަމަވެސް މިކަމާ ދިވެހިން ދެކޮޅުކަން މިހާރުވެސް ސޯޝަލް މީޑިޔާ ބަލާލުމުން ހާމަވެގެންދެ އެވެ.