ކަނޑުގެ ސަރަހައްދު ބެލުމުގައި ސަރުކާރުން އިހުމާލު ވަނީ، ޑްރޯން މެދުވެރިކޮށް ބަލަހައްޓާނެ ކަމަށް ބުނަމުން ދަނިކޮށް ކަނޑު ފޭރޭ މީހުން ނ އަތޮޅުގެ ރަށަކަށް ފައިބައިފި

ޑްރޯން މެދުވެރިކޮށް ކަނޑުގެ ސަރަހައްދު ބަލަހައްޓަމުން ދަނިކޮށް ސޯމާލިއާގެ ކަނޑުފޭރޭ ބަޔަކު ނ އަތޮޅު ވަވަތިއަށް ފައިބައިފި އެވެ.

ކަނޑުގެ ސަރަހައްދު ބެލުމުގައި ސަރުކާރުން އަންނަނީ އިހުމާލު ވަމުންނެވެ. އެކަމުގެ ސަބަބުން އެތައް މައްސަލައެއް މިހާރުވެސް ފެންމަތިވެފައިވެ އެވެ. 

ޗައިނީޒް ޑްރަގް ކަނޑުމަގުން އެތެރެވުމާއި އިޒްރޭލަށް އުފުލާ ހަތިޔާރު ރާއްޖޭގެ ކަނޑުގެ ސަރަހައްދުގެ ތެރެއިން އުފުލާފައިވަނީ ޑްރޯން މެދުވެރިކޮށް ކަނޑުގެ ސަރަހައްދު ބަލަހައްޓާނެ ކަމަށް ބުނި ފަހުންނެވެ. 

ވެރިކަމަށް އައުމަށް އެންމެ ގަދަަޔަށް ކެނޑި ފޮންޏަކީ ރާއްޖޭގެ ކަނޑުގެ ސަރަހައްދު ބަލަހައްޓަމުން ދާނީ ދިވެހިންކަމަށް ބުނެ ކެނޑި ފޮންޏެވެ. ކަނޑުގެ ސަރަހައްދު ބެލެހެއްޓުމަށް ނުއަގުގައި ބޮޑު ހަރަދު ކޮށްގެން ޑްރޯންތަކެއް ވެސް ގެނައެވެ. އެވެސް ސީދާ ކޮރަޕްޝަނެވެ. ޑްރޯންތައް މިހާރު ކޮބާ ހެއްޔެވެ؟ 

ކަނޑުގެ ސަރަހައްދު ބެލެހެއްޓުމުގައި ސަރުކާރުން އިހުމާލުވެއްޖެއެވެ. ރާއްޖޭގެ ރައްކާތެރިކަން ކަށަވަރު ކުރަނީ ކިހިނެއް ހެއްޔެވެ؟ އެކަމާ އަޅާ ނުލަނީ ހެއްޔެވެ؟