ކުރީ ސަރުކާރުން އަތޮޅުތެރޭގެ ރައްޔިތުން ގެދޮރުވެރި ކުރަން ދެމުން އައި ލޯނު މެދު ކަނޑާލީ މާލޭގައި މިލޯނުން ގެދޮރު ބިނާ ނުކުރެވޭނެ ކަމަށް ބުނެ! އަތޮޅުތެރޭގެ ރައްޔިތުންނަށް މި ސަރުކާރުގެ އެއްވެސް އަޅާލުމެއް ނެތް!

އަތޮޅުތެރޭގެ ރައްޔިތުންނަށް މި ސަރުކާރުގެ އެއްވެސް އަޅާލުމެއް ނެތްކަން އެއީ ފެންނަން އޮތް ކަމެކެވެ. 

ކުރީ ސަރުކާރުން އަތޮޅުތެރޭގައި ފަށާފައި ހުރި އެތައް ޕްރޮޖެކްޓެއްވެސް މިސަރުކާރުން ވަނީ ހުއްޓުވާފައެވެ. އަތޮޅުތެރޭގެ ރައްޔިތުން ގެދޮރުވެރިކުރުވުމަށް ދޫކުރަމުން އައި ލޯނު ވެސް 

ކުރީ ސަރުކާރުން އަތޮޅުތެރޭގެ ރައްޔިތުން ގެދޮރުވެރި ކުރަން ދެމުން އައި ލޯނު ވެސް މެދު ކަނޑާލީ އެލޯނން މާލޭގައި ގެދޮރު ބިނާ ނުކުރެވޭނެ ކަމަށް ބުނެއެވެ. 

ކުރީ ސަރުކާރުން އެލޯނު ދޫކުރަން ފެށީ އަތޮޅުތެރޭގައި ގެދޮރު އެޅުމަށެވެ. އެއީ އެއްވެސް ހާލެއްގައި މާލޭގައި އަޅާވަރުގެ ބޮޑެތި އިމާރާތްތައް އެޅުމަށް ދޫކުރަން ފެށި ލޯނެއް ނޫނެވެ. 

އެލޯނުގެ ބޭނުމަކަށްވީ ތިން ކޮޓަރި، ސިޓިންގ ރޫމް އަދި ބަދިގެ އަޅައި މީހުންނަށް ގެތަކުގައި އުޅެވޭ ވަރު ކުރުމެވެ.

ހައުސިން މިނިސްޓަރު ޑރ ހައިދަރު ބުނާ ގޮތުގައި ގެދޮރު އެޅުމަށް ލޯނު އަލުން ދޫކުރެވޭނީ މާލޭގައި ގެދޮރު އެޅުމަށް ލޯނު ދޫކުރެވޭނެ ކެޕޭސިޓީ ބޭންކުގައި ހުރިކަން ޔަގީންވުމުންނެވެ. 

މިސަރުކާރުން ބޭނުން ނަމަ، މި ލޯނު މާލެ ރައްޔިތުންނަށްވެސް ދެވޭނެއެވެ. އެހެންނަމަވެސް އެއީ 15 ނޫނީ 20 ބުރީގެ އިމާރާތް އަޅާކަށް ނޫނެވެ. އެއީ ލޯނު ދޭން ފެށި މަގްސަދެއް ވެސް ނޫނެވެ. 

މާލޭ މީހުންނަށް އެ ލޯނުން ގެދޮރު ނޭޅޭ ކަމަށް ބުނެ ލޯނު މެދުކަނޑާލުމުގައި އިންސާފެއް ކޮބާ ހެއްޔެވެ؟ އަތޮޅުތެރޭގެ ރައްޔިތުންގެ ހައްގުތައް ކޮބާ ހެއްޔެވެ؟