މާރަންދޫގެ ހިތްތަކަށް ކުއްލި ހިތާމައެއް: ލޮބުވެތި ދަރިއެއްގެ އަވަހާރަވުމުން މުޅިރަށް ކުއްލި ސިހުމެއްގައި

ހއ. މާރަންދޫ ކައުންސިލްގެ ނައިބު ރައީސް އަޙްމަދު ރަމީޒްގެ ކުއްލި އަވަހާރަވުމުގެ ހިތާމަވެރި ޚަބަރު އިވުމާއެކު، މުޅި ރަށަށް ވަނީ ބޮޑު ސަދަމައެއް ލިބިފައެވެ. މި ހިތާމަވެރި ހާދިސާއާ ގުޅިގެން، ގިނަ ފަރާތްތަކުން ވަނީ އެމަރުޙޫމްގެ ހަނދާންތައް ހިއްސާކޮށް، އާއިލާއަށް ތަޢުޒިޔާ ފާޅުކޮށްފައެވެ.

އަޙްމަދު ރަމީޒަކީ އެމްޑީޕީއަށް ނިސްބަތްވާ ބޭފުޅެއްކަމުން، ރަމީޒްގެ ނިޔާވުމާ ގުޅިގެން، އެ ޕާޓީން އަދި ޕާޓީގެ ވެެރިން ވަނީ ރަސްމީކޮށް ތައުޒިޔާ ފާޅުކޮށްފައެވެ. ރަމީޒަކީ އެންމެންނާ ގުޅުން ބަހައްޓާ، އެކުވެރި ބޭފުޅެއްގެ ގޮތުގައި ގިނަ ފަރާތްތަކުން ފާހަގަކުރެއެވެ. އޭނާގެ ކުއްލި ދަތުރަކީ ހަމައެކަނި މާރަންދޫއަށް ނޫން، މުޅި އުތުރަށްވެސް ލިބުނު ބޮޑު ގެއްލުމެއް ކަމުގައި ކައުންސިލްތަކުގެ ވެރިން ފާހަގަކުރައްވައެވެ.

މަރުޙޫމް އަޙްމަދު ރަމީޒްގެ ފުރާނައަށް ސުވަރުގޭގެ ދާއިމީ ނިޢުމަތް މިންވަރުކުރައްވާ، ކައްވަޅުގެ ޢަޛާބުން ސަލާމަތްކުރައްވާ، އަލް ޖަންނަތުލް ފިރުދައުސް ގައި ޖާގަ ދެއްވުން އެދި ދުޢާ ދަންނަވަމެވެ. އަދި އާއިލާއަށާއި ލޮބުވެތި މާރަންދޫގެ ރައްޔިތުންނަށް ކެތްތެރިކަން ދެއްވުން އެދި ﷲ ގެ ޙަޟްރަތުގައި ދުޢާ ދަންނަވަމެވެ. އާމީން.