މަދަނީ މީހުންގެ ނަމުގައި ހެލިކޮޕްޓަރު ދުއްވަން ގެނައީ އިންޑިޔާ ސަރުކާރުގެ ޑިފެންސް ކުންފުނީގެ ބަޔަކު - މިއީ ސީދާ އިންޑިޔާ އަސްކަރިއްޔާގެ ގޮތްޕެއް

މަދަނީ މީހުންގެ ނަމުގައި ހެލިކޮޕްޓަރު ދުއްވަން ގެނައީ އިންޑިޔާ ސަރުކާރުގެ ޑިފެންސް ކުންފުނީގެ ބަޔަކުކަން ހާމަވެއްޖެ އެވެ.

ދިވެހި ރައްޔިތުންނަށް އޮޅުވާލައި އިންޑިޔާ ސިފައިން މި ގައުމުން ބާލުވަނީކަމަށާއި ދެން ގެންނާނީ މަދަނީ މީހުންކަމަށް ބުނެ މި ސަރުކާރުން އަންނަނީ ރައްޔިތުންގެ ލޮލުގައި އަނދުން އަޅުވަމުންނެވެ. އެހެންނަމަވެސް ގެންނަނީ ކިތައް މަދަނީ މީހުންކަމެއްވެސް މިހާތަނަށް ސަރުކާރުން ހާމަކޮށްފައެއް ނުވެއެވެ. 

މިއަދު ހާމަވެފައި މިވަނީ މަދަނީ މީހުންކަމަށް ބުނެ އޮޅުވާލައިގެން މިގެންނަނީ ސީދާ އިންޑިޔާ އަސްކަރިއްޔާގެ ގޮތްޕެއްގެ މީހުންކަމެވެ. 

އެނގިފައިވާ ގޮތުގައި މަދަނީ މީހުންގެ ގޮތުގައި ގެންނަނީ އިންޑިޔާގެ ހެލިކޮޕްޓަރުތައް ހެދި ކުންފުނިކަމަށްވާ ހިންދުސްތާން އޭރޯނޮޓިކްސް ކުންފުނީގެ މީހުންނެވެ. އެއީ ސީދާ އިންޑިޔާ އަސްކަރިއްޔާގެ ދަށުން ހިންގާ ކުންފުނީގެ މީހުންނެވެ. 

ސަރުކާރާއި ހަވާލުމަށްފަހު މި ދެއްކުނީ މުޅިން ދެކޮޅު ނުޖެހޭ ވާހަކަތަކެއްކަން އެނގުމުން މިހާރު ތެޅިފޮޅެނީއެވެ. މަދަނީ މީހުން ގެންނަނީކަމަށް ބުނެ ނިންމާލެވޭނެކަމަށް ހީކޮށް ތިއްބައި އެކަންވެސް ރައްޔިތުން ގަބޫލެއް ނުކުރެއެވެ. 

ވެރިކަމަށް އައުމަށް ޖެއްސި އިންޑިޔާ އައުޓް ކެމްޕެއިން އިން ސަރުކާރަށް ސަލާމަތްވެވޭނެ ގޮތެއް ނެތެވެ. މުއިއްޒުއާއި ސަރުކާރުން ދައްކާހާ ވާހަކައެއް ރައްޔިތުން ގަބޫލެއް ނުކުރާނެކަން މިހާރު މުއިއްޒުއަށް މިދަނީ ހާމަވަމުންނެވެ.