މަޖިލިސް މަސައްކަތް ހުއްޓުވައި މަޖިލީހުގައި ތަޅު އަޅުވައިފި – ޕީޕީއެމް ޕީއެންސީގެ އަސްލު ކުލަ ދައްކާލައިފި

ދިވެހިރާއްޖޭގެ ރިޔާސީ ނިޒާމުގައި އެއްބަރު އަނެއްބާރަށް ފާރަވެރިވުމަށް ސަރުކާރު ހިންގާ ބާރުން ނިންމާ ނިންމުންތައް މަޖިލީހުން ފާސްކުރަން އޮންނަނީ ދިވެހި ރައްޔިތުން ޤާނޫނު އަސާސީގައި އެހެން ލިޔެ އެގޮތަށް ވޯޓު ލައިގެންނެވެ. އަދި ވަޒީރުންނަށް ރުހުން ދިނުން އޮންނަނީ މި މަގްސަދުގައެވެ.

ނަމަވެސް ޕީއެންސީގެ މަތިބަރު ސަރުކާރުގެ އެތައް ބައިވަރު ވަޒީރުންގެ ތެރެއިން މަގާމަށް ކުފޫ ހަމަނުވާ ބަޔަކަށް ރުހުން ނުދޭނެހެން ހީވުމުން ރައީސް މުއިއްޒުގެ އޯޑަރަށް މިވަނީ މަޖިލިސް ބަންދު ކޮށްފައެވެ. މިހާރު ވަނީ މަޖިލީހުގެ ދޮރުތަކުގައި ތަޅު އަޅުވައި މެންބަރުންނަށް ނުވަދެވޭނެހެން ހަދައި ދިވެހިރާއްޖޭގެ އެއް ބާރު އެކީ ހުއްޓުވާފައެވެ. މިއާއެކު ރައްޔިތުންނަށް ސިފަވެގެން ދަނީ ޔާމީނުގެ ފަހު ދުވަސްކޮޅު ސިފައިން ނެރެގެން މަޖިލިސް ހިސާރު ކުރި ހިތި ހަނދާންތަކެވެ.

ހަމަ މިއާއެކު ޕީއެންސީގެ މެންބަރުން މިހާރު ގެންދަނީ މަޖިލީސް ހިމެނޭ ގޮތަށް ގްރީންޒޯން ހިސާރުކޮށްގެން މުޒާހަރާ ކުރަމުންނެވެ. މިއީ މުޒާހަރާ ކުރުން މަނާ ސަރަހައްދެއް ކަމަށް ވެފައި، ފަލަސްތީނުގެ ރައްޔިތުންގެ ހައްގުގައި މި ސަރަހައްދަށް އެއްވި މީހުންވެސް މުއިއްޒުގެ ސަރުޚާރުން ވަނީ ޕެޕަރ ސްޕްރޭ ޖަހައި ބޭރުކޮށްފައެވެ. ނަމަވެސް އިއްޒަތްތެރި ވަޒީރު ބޭފުޅުންގެ ދިފާއުގައި މުއިއްޒު އަންގައިގެން ފުލުހުން ވަނީ މި ސަރަހައްދުގައި ފޯރިމެރުން ހުއްޓާލާފައެވެ. މި ސަރަހައްދުގައި މިހާރު މާސްކް އެޅި ކުށްކުރާ ފަރާތްތައް ޖަމާވެ މަޖިލީހަށް ވަންނަން އަންނަ އެމްޑީޕީ މެންބަރުންނަށް ބިރު ދައްކަމުން އެބަ ގެންދެއެވެ.