މަޖިލިސް އިންތިހާބަށް ފެނަކައަށް ވެއްދި މުވައްޒަފުންގެ ކުށުގެ ރިކޯޑް ބަލަން ހުރިހާ ބްރާންޗަކަށް އަންގައިފި، މުވައްޒަފުން ފެނަކައަށް ވެއްދީ ވަޒީފާއާއި ބެހޭ ޤާނޫނު އެހެލުމަށްފަހު!

ވަޒީފާއާއި ބެހޭ ޤާނޫނު އެހެލުމަށްފަހު މަޖިލިސް އިންތިހާބަށް ފެނަކައަށް ވެއްދި މުވައްޒަފުންގެ ކުށުގެ ރިކޯޑް ބަލަން ހުރިހާ ބްރާންޗަކަށް އަންގައިފި އެވެ. 

މަޖިލިސް އިންތިހާބާ ދިމާކޮށް ފެނަކައަށް މުވައްޒަފުން ވެއްދީ އެޔެއް މިިޔެއް ނުބަލައެވެ. ވޯޓު ހޯދަން ކޮންމެ މީހަކަށްވެސް ވަޒީފާ ބެހީއެވެ. ވަޒީފާއާ ބެހޭ ގާނޫނުގައި ބަޔާންކޮށްފައިވާ ކަންކަމަށްވެސް ބަލާފައެއް ނުވެއެވެ. 

ކުށުގެ ރިކޯޑް ސާފުކޮށް ހުށަހެޅުމަށް ފެނަކައިގެ ހުރިހާ ބްރާންޗަކަށް ވަނީ އަންގާފައެވެ. 

އޭގެ ފަހުން ކުށުގެ ރިކޯޑް ސާފު ކުރަން އަންގައި އެކަމަށް ހުޅުވާލައި މިހާރު އަނެއްކާ އެކަމަށް ހުޅުވާލި މުއްދަތުވެސް އޮތީ އިތުރުކޮށްފައެވެ. 

ގިނަ ބަޔަކު ދެކޭ ގޮތުގައި މިއީ ފެނަކަތެރެ ސާފުކޮށް ބައެއް މީހުންގެ ވަޒީފާ ގެއްލުވާލުމަށް ކޮށްގެން އުޅޭ ކަމެކެވެ. 

ފެނަކައަކީ މި ވެރިކަމުގައި އެންމެ ކޮރަޕްޓް އެއް މުއައްސަސާއެވެ. ކޮރަޕްޝަންގެ ގިނަ އަމަލުތަކެއް ވެރިކަމުގެ މިވީ ކުޑަ ދުވަސްކޮޅުގެ ތެރޭގައިވެސް ހިންގާފައިވެއެވެ. އޭގެ ތެރޭގައި ކޮށްފައިވާ މަސައްކަތްތަކަށް ހިނގާ ހަރަދަށްވުރެ ބޮޑުކޮށް ހަރަދު ދިޔަކަމަށް ބުނެ ބިލު ހަދާފައިވުން ފަދަ ކަންކަން ކޮށްފައިވެއެވެ.