މަޝްހޫރު އެކްޓިވިސްޓް އަދި ދީނީ އިލްމުވެރިޔާ އަލީ ރަމީޒް ޓިކްޓޮކުން ވަގަށް ލަދު މަންޒަރު ބަލަނިކޮށް ލައިކެއް ދެވި ބަސްޓްވެއްޖެ

މަޝްހޫރު އެކްޓިވިސްޓް އަދި ދީނީ އިލްމުވެރިޔާ އަލީ ރަމީޒް ޓިކްޓޮކުގައި އޮރިޔާން މަންޒަރަކަށް ލައިކް ކުރި މައްސަލަ ހާމަވެ، އާންމުންގެ ފާޑުކިޔުންތަކާ ކުރިމަތިލާންޖެހިއްޖެއެވެ.

 

ކުރީގެ ލަވަކިޔުންތެރިޔާ އަދި މިހާރުގެ ސިޔާސީ އެކްޓިވިސްޓް އަލީ ރަމީޒްގެ ޓިކްޓޮކް އެކައުންޓުން އޮރިޔާން މަންޒަރެއް ހިމެނޭ ވީޑިއޯއަކަށް ލައިކް ކޮށްފައިވާކަން ފާހަގަކުރެވި، އެކަން ސޯޝަލް މީޑިއާގައި ފެތުރިގެން ގޮސްފައިވެއެވެ.

އަލީ ރަމީޒަކީ ލަވަކިޔުން ހުއްޓާލުމަށްފަހު ސިޔާސީ މައިދާނުގައި އަޑުގަދަ ކުރަމުންދާ ބޭފުޅެކެވެ. އޭނާއަކީ އަބަދުވެސް އެހެން މީހުންގެ ކުށް ދެއްކުމުގައި އަޑުގަދަކުރަމުން އަންނަ ބޭފުޅެކެވެ.

މި ހާދިސާއާ ގުޅިގެން ގިނަ ބަޔަކު ދަނީ އަލީ ރަމީޒްގެ އަމަލުތަކާމެދު ސުވާލު އުފައްދަމުންނެވެ. ބައެއް ފަރާތްތަކުން ފާހަގަކުރާ ގޮތުގައި، އެހެން މީހުންގެ ކުށް ދައްކަން އުޅޭ މީހުންގެ ކިބައިން މިފަދަ ކަންކަން ފެންނަމުންދާކަން ފާހަގަކުރެވެއެވެ.

މީގެ ކުރިން ވެސް މިފަދަ ހާދިސާއެއް ހިނގާފައިވާކަން ފާހަގަކުރެވެއެވެ. މިގޮތުން މިދާކަށް ދުވަސްކޮޅެއްގެ ތެރޭގައި ޝޭޚް ޒައިދަށްވެސް ވަނީ މިބާވަތުގެ މަންޒަރުތަކަކަށް ލައިކް ދެވިގެން ރައްޔިތުންގެ ކުރިމަތީގައި ފަޟީޙަތްވެފައެވެ.