މަސްވެރިންނަން އެއްވެސް ފައިސާއެއް ނުދޭތާ ދޮޅުމަސް ދުވަސް، އަނެއްކާވެސް މަސްވެރިން އިހްތިޖާޖަކަށް ތައްޔާރުވަނީ

މަސްވެރިން ބާނާ މަހަށް ފައިސާ ނުދޭތީ އަނެއްކާވެސް އިހުތިޖާޖަށް ތައްޔާރުވާން ފަށައިފިއެވެ. 

މަސްވެރިން ބާނާ މަހަށް ފައިސާ ނުދޭތީ އެކަމުގެ ކަންބޮޑުވުން ސޯޝަލް މީޑިޔާގައި އަންނަނީ ފާޅުކުރަމުންނެވެ. އެގޮތުން އޭޕްރިލް މަަހުގެ 9 ވަނަ ދުވަހުން ފެށިގެން މިފްކޯއިން ކިރުވާފައިވާ މަހަށް ފައިސާ ދީފައިނުވާކަަމަށް މަސްވެރިން ބުނެއެވެ. އޭގެ ރުޅި މަސްވެރިން އަންނަނީ މުއިއްޒު، ޝިޔާމް އަދި މިފްކޯއަށް ބާލުވަމުންނެވެ. 

މަސްވެރިންނަށް ދޭން ޖެހޭ ފައިސާ ދެމުން އަންނަކަމަށް ތަކުރާރުކޮށް ފިޝަރީޒް މިނިސްޓްރީއިން ބުނެއެވެ. އެހެންނަމަވެސް ދުވަސްވީ މި ޝަކުވާއަށް މި ސަރުކާރަށް ވެސް ހައްލު ހޯދައިދެވިފައެއް ނުވެއެވެ. 

މަސްވެރިންނަށް ދޭން ޖެހޭ ފައިސާ ނުދީގެން މިއަހަރު ކުރީކޮޅުވެސް މަސްވެރިން ޝަކުވާކޮށް އިހުތިޖާޖުކޮށްފައިވެއެވެ. އެފަހަރުވެސް ބުނީ އެއީ ކުރީ ސަރުކާރުން ދޭން ޖެހޭ ފައިސާ ނުދިނުމުން ދިމާވާ މައްސަލަކަމަށެވެ. އަދި 200 މިލިއަން ރުފިޔާ މަސްވެރިންނަށް ދީފައިވާނެކަމަށް އޭރު ބުނެފައިވެއެވެ. 

އެ އިހުތިޖާޖު ކުރިތާ ތިން މަސްފަހުން މިއަދު މިއޮތީ އަނެއްކާ އެހާލަތަށް ގޮސްފައެވެ. މިފަހަރު ދައްކާނީ ކޮން ބަހަނާއެއް ބާވައެވެ؟