މުއިއްޒު ހައުސިން މިނިސްޓަރުކަމުގައި ހުރިއިރު މަނީ ލޯންޑަރ ކުރި ކަމުގެ ހެކި މިއޮތީ! ބޭރުގެ އެއްވެސް ކުންފުންޏަކާ ވިޔަފާރީގެ ގުޅުމެއް ނެތް ނަމަވެސް ގަވާއިދުން ބޭރު ކުންފުނިތަކުން ދިޔައީ މުއިއްޒުގެ އެކައުންޓަށް ޑޮލަރު ޖަމާކުރަމުން!

މުއިއްޒު ހައުސިން މިނިސްޓަރުކަމުގައި ހުރިއިރު މަނީ ލޯންޑަރ ކުރި ކަމުގެ ހެކިތައް ހާމަވެއްޖެއެވެ. 

މި ހެކިތައް ހާމަވީ ޕޮލިސް އިންޓެލިޖެންސް ރިޕޯޓް އަދި އެމްއެމްއޭ ގެ ފައިނޭންޝަލް އިންޓެލިޖެންސް ޔުނިޓްގެ ސަސްޕިޝަސް ޓްރާންސެކްޝަން ރިޕޯޓްތަކުންނެވެ. 

،މި ރިޕޯޓްތަކުން ބޭރުގެ އެއްވެސް ކުންފުންޏަކާ ވިޔަފާރީގެ ގުޅުމެއް ނެތް ނަމަވެސް ގަވާއިދުން ބޭރު ކުންފުނިތަކުން ދިޔައީ މުއިއްޒުގެ އެކައުންޓަށް ޑޮލަރު ޖަމާކުރަމުން ދިޔަކަން ވަނީ ހާމަވެފައެވެ. 

މުއިއްޒު މަނީ ލޯންޑަރ ކުރަމުންދިޔައީ އޭނާގެ ކޮއްކޮ ސައުދާ އަދި ސައުދާގެ ފިރިމީހާ އިދުރީސް ފައުޒީ މެދުވެރިކޮށެވެ. 

މުއިއްޒުއަށް ލިބުނު ކަޅު ފައިސާ ހޭދަކުރީ އޭނާގެ ދިމްޔާތު ގަނޑުވަރު އަޅަންކަމަށް ރިޕޯޓްތަކުން ހާމަވެއެވެ. އަދި އޭރު ސަރުކާރު މަޝްރޫއުތަކުގައި މަސައްކަތް ކުރި ޗައިނާ ކުންފުނިތަކުގެ މީހުން ދިމްޔާތު އެޅުމުގައި ހަރަކާތްތެރިވިކަމަށް ވެސް ރިޕޯޓުތަކުގައިވެއެވެ. 

މުއިއްޒުއަށް ފައިސާ ޖަމާކޮށްފައިވާ ކުންފުނިތަކުގެ ތެރޭގައި ސަން ސިޔާމް ރިޒޯޓްސް ލިމިޓެޑް، ރެއިންބޯ ކޮންސްޓްރަކްޝަން ޕްރައިވެޓް ލިމިޓެޑް، ރެއިންބޯ އެންޓަޕްރައިޒަސް ޕްރައިވެޓް ލިމިޓެޑް، އައިއޯއެފް ކޯޕަރޭޝަން، ހުނާން ނަމްބަރ 6 އިންޖިނިއަރިން ކޯ ލިމިޓެޑް، ހުނާން ރުއިން ޓްރޭޑިން ކޮމްޕެނީ ޕްރައިވެޓް ލިމިޓެޑް އަދި ވިން ރަން (އެޗް ކޭ) އިންޓަނޭޝަނަލް ޓްރޭޑިން ލިމިޓެޑް ހިމެނެއެވެ. 

އެގޮތުން ވިންރަން ކުންފުނިން ފިނޭންސް މިނިސްޓްރީއަށް ފައިސާ ދެއްކުމުގެ ކުރިން މުއިއްޒުއަށް ފައިސާ ޖަމާކޮށްފައިވާކަމަށް ރިޕޯޓުތަކުން ދައްކައެވެ. 9 ޖެނުއަރީ 2018 ވަނަ ދުވަހު މުއިއްޒު އެކައުންޓަށް 9،999 ޔޫއެސް ޑޮލަރު ޖަމާވެފައިވާކަމަށް ރިޕޯޓުތަކުން ދައްކައެވެ. 

އަދި މުއިއްޒުގެ އެކައުންޓަށް ހުނާން ނަމްބަރު 6 އިންޖިނިއަރިން ކޯ ލިމިޓެޑްއިން އެކި ދުވަސްމަތިން ގިނަ އަދަދެއްގެ ޔޫއެސް ޑޮލަރު ޖަމާކޮށްފައިވާކަމަށާއި 20 މާޗް 2018 ގައި 7500 ޔޫއެސް ޑޮލަރު އަދި 1 އޮކްޓޫބަރު 2018 ގައި 7500 ޔޫއެސް ޑޮލަރު މުއިއްޒު އެކައުންޓަށް ޖަމާކޮށްފައިވެއެވެ.