މުއިއްޒުގެ ސަރުކާރަށް މާލެގަ ފިޔަވާ އިތުރުތާކު އަދި ޕުރޮޖެކްޓެެއް ނުފެށެ، ނަގަން އުޅެނީ ހުސް ކުރެޑިޓް

ޑރ މުއިއްޒުގެ ސަރުކާރަށް 50 ދުވަސް ވީއިރު މާލެފިޔަވާ ޕުރޮޖެކްޓެެއް އަދި ނުފެށެއެވެ. މުޅިންވެސް ވަޒީރުންގެ މަޖިލީސްއިން ނިންމުންތައް ނިންމަނީއެވެ.

ނަމަވެސް ކުރީ ސަރުކާރުތަކުން ނިންމާފައި ހުރި ކަންކަމުން ކްރެޑިޓް ނަގައި، މިއީ މުއިއްޒު ކުރި ކަމެއް ކަމަށް ދެއްކާ އޮޅުވާލަން މިވަރަށް މަސައްކަތް ކުރަނީ ރޯމާ ދުވާލުގައެވެ. ނޫނޭ މުއިއްޒުގެ މަކަރު އެބަހުރި!

މި ސަރުކާރު ވުޖޫދަށް އައީ މަކަރާއި ހީލަތުން ރައްޔިތުންނަށް ގިން ކަންކަން އޮޅުވާލައިގެނެނެވެ. ވެރިކަމުގައި ދެމި އޮތުމަށްވެސް ހަދަމުން މިދަނީ ދޮގާއި މަކަރެވެ. ނުވިތާކަށް މުއިއްޒަށްވުރެ ބޮޑު ފޮޓޯޖެހި ރައީސް ޔާމީނަށްވެސް ދިނީ ހަމަސީދާ ދޯކާއެވެ. ދޮންއަމާ ރޮއެ ރޮއެފަ އެވާހަކަ ކީ ދުވަހު ކުރީ މަލާމާތާއި ބުލީއެވެ. މިހާރު ދޮންއަމާ މި ލިޔަނީވެސް ހަމަ ތެދުވާހަކަ ތަކެކެވެ. 

މެރިން ހެޗަރީގެ މަސައްކަތް

މެރިން ހެޗަރީގެ މަސައްކަތަކީ ކުރީގެ ސަރުކާރުން ޔޫއޭއީގެ ކުންފުންޏަކާއި ގުޅިގެން، ފިޝަރީޒް މިނިސްޓްރީއާއި ގުޅިގެން ފަށާފައިވާ މަސައްކަތެކެވެ. ނަމަވެސް ފިޝަރީޒް މިނިސްޓްރީގެ ސްޓޭޓް މިނިސްޓަރުން ވަޑައިގެން މިއީ މިސަރުކާރުގެ ޕްރޮޖެކްޓެއް ކަމަށް ދެއްކުމަށް ލައްކަ މަސައްކަތް ކުރަމުން އެބަދެއެވެ. 

ތެލަސީމިޔާ ކުދިންނަށް ހިލޭ ބޯން މެރޯ ހަދައިދިނުން

މުއިއްޒުގެ ހަފްތާ 14ގެ ޕްރޮގްރާމް ތެރެއަށް ތެލަސީމިޔާ ކުދިންނަށް ހިލޭ ބޯން މެރޯ ހަދައިދިނުމަކީ އަލަށް ސަރުކާރުން ފަށާ ކަމެއް ކަމަށް  ބުނެ ދޮގުހަދަނީ އެޔެއް މިއެއް ބަލާފައެއްނޫނެވެ. މި ގޮތުން ރައްޔިތުންނަށް އޮޅުވާލުމަށް ނޫސްވެރިންގެ ބައްދަލުވުމުގައި ގާރީ ފިރުޒުލް ވަނީ ދޮގު ހަދާނީއެވެ. ދެން އެށޮރު އަރުވަނީ ހުކުރު ދުވަހު ޙުތުބާކިޔާށެވެ. 

އައިވީއެފް ޓްރީޓްމަންޓް’ ހިމެނޭހެން ދަރިމައިވުމާގުޅޭ ފަރުވާގެ ޚިދުމަތް އާސަންދާގައި ހިމެނުން.

އައިވީއެފް ޓްރީޓްމަންޓް‘ ހިމެނޭހެން ދަރިމައިވުމާގުޅޭ ފަރުވާގެ ޚިދުމަތް އާސަންދާގައި ހިމެނުމަށް 19 މަޖީސްއިން ފާސްކޮށް، ރައީސް ސޯލިޙް ތަސްދީކޮށް،  ނިންމާފައިވާ ކަމެކެވެ. އޭރުގެ ސަރުކާރުން ވަނީ ނޭޝަނަލް ފާޓިލިޓީ ކެއާ ޕްރޮގްރާމްގެ ނަމުގައި މި މަސައްކަތްފަށާފައެވެ. މި ޕްރޮގްރާމަކީ މިކަން ކުރުމަށް ފުރިހަމަ ނިޒާމެއް އެކުލަވާލާ، މިކަމަށް ދާ ޚަރަދު އާސަންދައިގެ ތެރެއަށް ވެއްދުމާއި، މިކަމުގެ ދަތިކަން ތިބި މީހުން ދަނެގަނެ، އެމީހުންނަށް ފަރުވާ ލިބޭނެ ޤައުމީ ފެންވަރުގެ ނިޒާމެއް ގާއިމު ކުރުމެވެ.

ސީ އެމްބިއުލާންސް ޚިދުމަތް

މިދިޔަ އަހަރު ކުރީގެ ސަރުކާރުން ސިއްހީ ފަރުވާގެ ނިޒާމަކުން މުޅި ރާއްޖެ ގުޅާލުމަށްޓަކައި ”މޯލްޑިވްސް ހެލްތު ލައިން“ އިފުތިތާހުކޮށްފައި ވަނިކޮށް، ސީ އެމްބިއުލާންސް ޚިދުމަތުގެ ނަމުގައި ހަމަ އެއްކަމެއް މިސަރުކާރުން ފެށުމުން، އެކަމަށް ސޯޝަލް މީޑިޔާގައި ފާޑު ކިޔުން ވަނީ އިންތިހާއަށް އިތުރު ވެފައެވެ. 

ނޫނޭ މުއިއްޒުމީ އޮޅުވާލުމުގެ މާހިރެއް، ދޮންއަމާ އެދުވަހު ބުނީ ހަމަ ހެޔޮކޮން. "ހީ އިޒު ނޮޓު ގުޑު ސަން"