މުއިއްޒު ފަންޑުކޮށްގެން މުއިއްޒަށް ސަނާ ކިޔަން ހިންގާ "ދެންމެ" ނޫހުން ސޯޝަލް މީޑިއާ މެދުވެރިކޮށް ދިވެހިންގެ މެދުގައި އަދަބު އަޚުލާގު ދަށް ލަދުހުތުރު ވާހަކަތައް އާންމު ކުރަނީ – މުއިއްޒަށް ސަނާ ކިޔާތީ މިފަދަ ނޫސްތަކަށް ފިޔަވަޅު އެޅުން މަނާ

"ދެންމެ" މި ނަމުގައި ދިވެހިރާއްޖޭގައި ރަޖިސްޓްރީ ނުކޮށް ހިންގާ އަދި ހަމައެކަނި މުއިއްޒަށް ސަނާ ކިޔުމަށް ސީދާ މުއިއްޒު ފަންޑު ކޮށްގެން ހިންގާ އޮންލައިން ނޫހަކުން މި ގެންދަނީ ހުއްޓުމެއް ނެތި ދިވެހިންގެ މެދުގައި އަދަބު އަޚުލާގު ދަށް އެތައް ވާހަކައެއް ފާޅުގައި ޝާއިއު ކުރަމުންނެވެ.

މިގޮތުން މި ނޫހުގެ ފީޑު ބަލާލާއިރު، މުއިއްޒަށާއި މި ސަރުކާރަށް ސަނާ ކިޔުން ފިޔަވައި ދެން މުޅިންވެސް ހުރީ މިފަދަ އެތައް ދަށުދަރަޖައިގެ މުޖުތަމައުގެ އަޚުލާގު ނަގާލުމުގެ ވިސްނުމުގައި ލިޔެފައި ހުރި މުޅިންވެސް ޖިންސީ ގުޅުމާބެހޭ އަދި މުޖުތަމައުގައި އާންމުކޮށް ވާހަކަ ނުދައްކާ ފެންވަރުގެ ހަޑި ހުތުރު ބަހުރުވައިގެ ލިޔުންތަކެވެ.

ކުރީ ސަރުކާރުތަކުން ކޮށްފައިވާ ކަންކަންވެސް މުއިއްޒުގެ ނަމުގައި ދޮގު ހަދައި އާންމުކޮށްފައި

މިފަދަ ލިޔުންތައް އާންމު ކުރެވޭ ގޮތަށް ސޯޝަލް މީޑިއާއަށް ލައި ނޫހުގެ ވެބްސައިޓްގައި ޝާއިއު ކުރުމަކީ މުޖުތަމައުގެ އަޚުލާގީ އާންމު މިންގަނޑާ ޚިލާފު އަދި މީޑިއާ އާއި ބްރޯޑްކާސްޓިންގ ޤާނޫނުތަކުން މަނާކަމެއް ނަމަވެސް، މި ނޫހަކީ މުއިއްޒަށް ސަނާ ކިޔުމުގައި ވަޖިދުވެފައި ތިބޭ ބަޔެއް ކަމުން، މި ނޫހާ މެދު އެއްވެސް ފިޔަވަޅެއް އެޅުން އޮތީ ރައީސް އޮފީހުގެ ހޭޔަންބޯ ޚަލީލު މަނާ ކޮށްފައެވެ. މި ނޫހަކީ ވެރިކަމަށް އައުމުގެ ކުރިންވެސް މުއިއްޒު ޕްރޮމޯޓް ކުރުމަށް މުއިއްޒު ގެންގުޅޭ ނޫހެއް ކަމުން، އަދި މުއިއްޒު އަމިއްލަ އަތުން ޚަރަދު ކުރާ ނޫހެއް ކަމުން މިފަދަ ނޫހަކާމެދު ފިޔަވަޅެއް އެޅުން އަދި މައްސަލަ ބެލުން ވާނީ މި ވެރިކަމުގައި ނުވާނެ ކަމަކަށެވެ.

މުއިއްޒު ފަންޑު ކުރާ ނޫހުގެ އާންމު ކަމަކީ މުޖުތަމައުގެ އާންމު މިންގަނޑާ ނުގުޅޭ މިފަދަ ޚަބަރާއި މަންޒަރު ފެތުރުން

މުއިއްޒު ގެންދަނީ އެކިއެކި ގޮތްގޮތުން ދިވެހިރާއްޖޭގައި ފާހިޝް އަމަލުތައް އާންމު ކުރުމަށާއި މިފަދަ ލާދީނީ ބޭއަދަބީ ވާހަކަތައް ފެތުރުމަށް މަސައްކަތް ކުރަމުންނެވެ. މަގާމާއި ޖާހާއި ފައިސާގެ ދަހިވެތިކަމުގައި ރާއްޖޭގައި ތިބި އިލްމުވެރިން ތިބީ މިކަންކަން ނުފެންނަ ކަމަށް ހަދައިގެންނެވެ.