ސާޖިދާގެ ކަރޯކޭ ވީޑިއޯ ލީކްވީ ރައީސް އޮފީހުގެ މިނިސްޓަރ ރަމީޒްގެ ކުރީގެ އަންހެނުން ފޯނުންކަމަށް ވުމުން ސިހުރު ހަދާކަމަށް ބުނެ ހައްޔަރުކޮށްފި

ސާޖިދާގެ ކަރޯކޭ ވީޑިއޯ ލީކްވީ ރައީސް އޮފީހުގެ މިނިސްޓަރ ރަމީޒްގެ ކުރީގެ އަންހެނުން ފޯނުންކަމަށް ވުމުން ސިހުރު ހަދާކަމަށް ބުނެ ހައްޔަރުކޮށްފި އެވެ. 

ސިހުރު ހަދާ ކަމަށް ބުނެ ހައްޔަރު ކޮށްފައިވާ ރަމީޒުގެ އަންހެނުންނަކީ އެންވަޔަރަމަންޓް މިނިސްޓްރީގެ ސްޓޭޓް މިނިސްޓަރު ފާތިމަތު ޝަމްނާޒް އަލީ ސަލީމެވެ. އޭނާ ހައްޔަރު ކުރިއިރު އަހަރު ނުފުރޭ ކުޑަ ކުއްޖެއް ވެސް އޭނާގެ ހުރެ އެވެ. 

ޝަމްނާޒު ހައްޔަރު ކުރުމަށް ފަހު ހަތް ދުވަހުގެ މުއްދަތަށް އޭނާ ވަނީ ބަންދުކޮށްފަ އެވެ.

ސާޖިދާ ކަރޯކޭ ޖައްސާ ވީޑިޔޯ ލީކު ވިތާ އެތައް މަހެއް ވެފައިވާއިރު އެފަހުން ރަމީޒާއި މުއިއްޒުގެ ގުޅުން އެހާ ރަނގަޅެއް ނޫނެވެ. އެހެންނަމަވެސް ސިޓީ ކައުންސިލުން މުއިއްޒު ކޮށްފައިވާހާ ވައްކަމެއް ކޮށްފައިވަނީ ރަމީޒު ލައްވާ ކަމަށް ވުމުން ރަމީޒު ވަކި ކުރާކަަށް މުއިއްޒު އަކަށް ނުއެއް ކެރެއެވެ. 

މުލިއާގޭގައި ކަރޯކޭ ޖެއްސުމަށް 80 ހާސް ރުފިޔާގެ އަގުބޮޑު ކަރޯކޭ ސިސްޓަމެއް މުލިއާގެއަށް ވެއްދި ކަމުގެ އަޑު ވެސް ފެތުރިފައިވެ އެވެ. 

ސާޖިދާ ކަރޯކޭ ޖައްސާ ވީޑިޔޯ ލީކު ވެފައިވަނީ އެފަދަ ކަމެއް ނުކުރާނެކަމަށް ސަރުކާރުންނާއި ސަރުކާރު ދިފާއު ކުރާ މީހުން އެތައް ވަރަކަށް ބުނަމުން ދަނިކޮށެވެ.