ޝެޑިއުލް އާންމުކޮށްފި، އެތެރޭގެ އުދުހުމުގެ އަގު ކުޑައެއް ނުކުރި!

މޯލްޑިވިއަން އިން އަންނަ އަހަރުގެ ހޫނު މޫސުމުގެ ޑޮމެސްޓިކް ޝެޑިއުލް އާންމުކޮށްފި އެވެ.

ޔޫރަޕްގެ ހޫނު މޫސުމާ ދިމާކޮށް މޯލްޑިވިއަނުން ނެރުނު ޝެޑިއުލް 24 ގައިވާ ގޮތުން ރާއްޖޭގެ 17 މަންޒިލަކަށް ދަތުރުކުރާނެ އެވެ.

މޯލްޑިވިއަންގެ އެތެރޭގެ ނެޓްވޯކްގައި އަންނަ އަހަރުގެ ސްކޫލް ބަންދު ދުވަސްވަރާ ދިމާކޮށް ޖޫން 14 އިން އޮގަސްޓް 10 އަށް ދަތުރުތައް އިތުރުކުރަން ވެސް ނިންމާފައިވެ އެވެ.

"މި ޝެޑިއުލް ހަދާފައިވަނީ ދަތުރުވެރިންނަށް ފަސޭހަވާނެ ވަގުތުތަކަކަށް އިސްކަންދީގެން. އެގޮތުން ފެރީގެ ހިދުމަތް ލިބެން ހުރި ގޮތަށް ބަލައި އައިޑިއަލް ކަނެކްޝަން ޓައިމަކާއެކު އެމްޓީސީސީގެ އާރްޓީއެލް ފެރީއާ ފަސިންޖަރުންނަށް ފަސޭހައިން ގުޅާލެވޭނެ. ކޯޕަރޭޓް ކްލައިންޓުން (ރިސޯޓް، ގެސްޓްހައުސް، ސަފާރީ ބޯޓް) ވެސް އަޅުގަނޑުމެންގެ ހުރިހާ ޑިސްޓްރިބިއުޝަން ޗެނަލްތައް މެދުވެރިކޮށް އެޑްވާންސްކޮށް ބުކް ކުރެވޭނެ،" މޯލްޑިވިއަނުން ބުންޏެވެ.

މި ހުރިހާ ވާހަކައެއް ދެއްކި އިރުވެސް، ހާއްސަ ފެއާއެއް ނުވަތަ އަގު ކުޑަކުރުމުގެ ވާހަކައެއް ނުދެއްކިއެވެ. އަދި އެ ވިސްނުން ހުރިކަމަކަ އަމަލަކުންވެސް ނުފެނެއެވެ. 

އެތެރޭގެ އުދުހުމުގެ އަގަކަށް ބަދަލެއް ނުގެނެއެވެ، ކުރީގެ ސަރުކާރަށް ފާޑުކީމީހުން މިހާރު ދައްކާވާހަކަ، މަންޒަރަކާއި ދިމައެއްނުވެއެވެ.