އުތުރުތިލަފަޅުން އިންޑިއާ ސިފައިން ހޯދަން ދިޔަ ނަވާޒަށް ރައީސް އޮފީހުގެ ސްޓޭޓް މިނިސްޓަރުކަން ދެނީ

އުތުރުތިލަފަޅުން އިންޑިއާ ސިފައިން ހޯދަން ދިޔަ ޓީމްގައި ހިމެނޭ އާދަމް ނަވާޒަށް ރައީސް އޮފީހުގެ ސްޓޭޓް މިނިސްޓަރުކަން ދޭން ނިންމައިފިއެވެ.

ދޮންއަމައަށް އެނގިފައިވާގޮތުގައި ރައީސް ޑރ. މުހައްމަދު މުއިއްޒު ވަރަށް އަވަހަށް އޭނާ އެ މަގާމަށް އައްޔަން ކުރާނެއެވެ.

އުތުރުތިލަފަޅުން އިންޑިއާ ސިފައިން ހޯދަން ދިޔަ ޓީމްގައި ހިމެނޭ މީހުންނާ ބެހޭގޮތުން ދޮގު ޚަބަރު ފެތުރުމުގެ ރެކޯޑް މުގުރާލާފައިވާ އަހްމަދު އަޒާން އާއި ކޯޓުން ވައްކަންކޮށްގެން ވަޒީފާއިން ވަކިކުރި އަހްމަދު އިބްރާހީމް (ޕޮކަންޑި) އާއި މިދުއަމް ސައުދު ވަނީ މަޖިލީހަށް ކުރިމަތިލާން ނިންމާފައެވެ.

މި އެންމެން އިންޑިއާ ސިފައިން ހޯދަން އުތުރުތިލަފަޅަށް ދިޔަޔަސް އެތަނުން އިންޑިއާ ސިފައިނެއް ނުފެނުނެވެ. 

އުތުރުތިލަފަޅުގައި ތިބީ ކިތައް އިންޑިއާ ސިފައިންތޯ މި ސަރުކާރުން ބާއްވާ އެކި ނިވްސް ކޮންފަރެންސްތަކުގައި ސުވާލުކުރުމުން ވެސް ޖަވާބެއް ދެވިފައެއްނުވެއެވެ.

ދޮގާއި މަކަރުން ރައްޔިތުންނަށް އޮޅުވާލައިގެން މުއިއްޒު ވެރިކަމަށް ވަޑައިގެންނެވިކަން މި އަންނަނީ ސާބިތުވަމުންނެވެ. އެގޮތުން ހިޔާ ފްލެޓްގެ ފިނިޝިންއަށް ކުރި ޚަރަދުގެ ބަދަލުގައި ދެ ލައްކަ ރުފިޔާ ދިނުމަށާއި ހިޔާ ފްލެޓްގެ ކުލި ކުޑަކުރާނެ ކަމަށް ވައުދުވެވަޑައިގަތުމަށްފަހު ވެރިކަމަށް ވަޑައިގެން މުއިއްޒު ވަނީ ކުލި ކުޑަކޮށް، ފިނިޝިންގެ ފައިސާ އެ ދެވުނީ ކަމަށް ކަނޑައަޅައި، ރައްޔިތުން ގުނބޯ ހައްދާފައެވެ.