ވީއައިއޭ ޓާމިނަލްގެ މަސައްކަތް ނިންމޭނީ އެމްޑީޕީ އިން ބުނި ތާރީހަށް ކަމަށް މުއިއްޒު އެންމެ ފަހުން އެއްބަސްވެއްޖެ

ވީއައިއޭ ޓާމިނަލްގެ މަސައްކަތް ނިންމޭނީ އެމްޑީޕީ އިން ބުނި ތާރީހަށް ކަމަށް މުއިއްޒު އެންމެ ފަހުން އެއްބަސްވެއްޖެ އެވެ. 

ޓާމިނަލްގެ މަސައްކަތް ނިންމަން އެމްޑީޕީ އިން ދިން ތާރީހަކީ މާ ލަސް ތާރީހެއް ކަމަށް ބުނެ އެމްޑީޕީއާއި ކުރީގެ ސަރުކާރަށް މުއިއްޒު ފާޑު ކިޔާފައިވެ އެވެ. އެއީ އަންނަ އަހަރުގެ ޖުލައި މަހުގެ ތެރޭގަ އެވެ. 

އެއީ މާ ލަސް ތާރީހެއް ކަމަށާއި މި އަހަރުގެ ޕީކް ސީޒަން އައުމުގެ ކުރިން ޓާމިނަލް ނިންމަން ޖެހޭނެ ކަމަށާއި އެކަން ކުރެވޭނެ ކަމަށް މުއިއްޒު މީގެ ކުރިން ބުނެފައިވެ އެވެ. އެއީ މުއިއްޒު ސްޕީޑްގައި އެކަން ކޮށްގެން ކަމަށް މުއިއްޒުގެ ކުދިންކޮޅު ދިޔައީ ބުނަމުންނެވެ. 

މި އަހަރު ތެރޭގައި އެއާޕޯޓުގެ މަސައްކަތް ނިންމާލެވޭނެކަމަށް މުއިއްޒު ބުނީ މާޗު މަހުގެ ތެރޭގަ އެވެ. އެހެންނަމަވެސް މިހާރު އެ ވާހަކަ މި އޮތީ ބަދަލުވެފަ އެވެ. އެމްޑީޕީން ކުރި އަންދާޒާއަކީ ރަނގަޅު އަންދާޒާއެއް ކަމަށް މުއިއްޒު ވެސް ގަބޫލު ކުރީ އެވެ. 

ވެލާނާ އިންޓަނޭޝަނަލް އެއާޕޯޓުގެ ޓާމިނަލްގެ މަސައްކަތް ފެށީ 2016 ވަނަ އަހަރުގެ ތެރޭގަ އެވެ. މި މަޝްރޫއު ނިމުމާއެކު އެއާޕޯޓުގެ ކެޕޭސިޓީ ދެގުނައަށް ވުރެ އިތުރު ވެގެން ދާނެ އެވެ.