ޓުވީޓު ޑިލީޓު ކުރިއަކަސް، ޑޭސް 8 މަތިންދާބޯޓަކަށް ރާއްޖެއިން ފުރައިގެން ތައިލެންޑަށް ނޮން ސްޓޮޕް ފުލައިޓެއް ނޭޅޭނެ.

އޭ މިހިރަ ގަމާރާއެވެ. ޑޭޝް-8 މަރުކާގެ މަތިންދާބޯޓެއް އެއާ އެމްބިއުލާންސްއަކަށް ބަދަލުކޮށް އެ ބޯޓު ދުއްވޭ ރާސްތާގެ ދުރުމިނަކަށް ބަދަލެއް ނާންނާނެއެވެ. ތެލުގެ ހަރުދުވެސް ވަކިން ކުޑަވެފައި ތެޔޮ އެޅޭނެ ޓޭންކުވަކިން ބޮޑެއްނުވާނެއެވެ.

ޑޭޝް-8 ބޯޓުގައި ބަލި މީހުން ތައިލޭންޑަށް އުފުލާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވި ވާހަކަކޮޅު މަލްޓިމީޑިއާ ސްލައިޑެއްގައި ލިޔުމަށްފަހު ރައީސް އޮފީހުގެ ޓުވިޓާރގައި ޕޯސްޓުކުރުމުން ދިޔަސް މީވާނެ ކަމެއް ނޫންކަން ހަމަ ދުންނަނީބާއެވެ. ނޫނީ، އިންޑިއާ އައުޓު ގެ ނަމުގައި ފެތުރި ވާހަކަ ގަބޫލު ކުރީތީވެ، މިވާހަކަވެސް ގަބޫލުކޮށްފާނެ ކަމަށް މުއިއްޒަށް ހީވަނީއެވެ. އޭ މިހަރަ ވަލިއުލް އަމުރާއެވެ. ދިވެހިން އެހާ ގަމާރެއް ނޫނެވެ. 

ޗައިނާއަށް ރައީސް ކުރެއްވި ދަތުރުފުޅަށްފަހު މާލެވަޑައިގެން ނޫސްވެރިންނާ ބައްދަލު ކުރައްވައި ދެއްކެވި ވާހަކަފުޅުގައި އެއާ އެމްބިއުލާންސާ ގުޅޭގޮތުން ވިދާޅުވި ވާހަކަކޮޅުގެ ނަކަލެއް، ގުރެފިކެއްގެ ގޮތުގައި ރައީސް އޮފީހުން އެކްސްގައި ޕޯސްޓުކުރިއެވެ. ނަމަވެސް ވަގުތުކޮޅެއް ފަހުން މީހުންގެ މަލާމާތާއި ހުރެ، ޕޯސްޑިލީޓް ކޮށްލީއެވެ. 

ރައީސް މުއިއްޒު ވެރިކަމާ ހަވާލުވެވަޑައިގެން ފަހުން މިއީ ރައީސް އޮފީހުގެ ސޯޝަލް މީޑިއާ ޕޯސްޓެއް ޑިލީޓު ކުރި ފުރަތަމަ ފަހަރެއް ނޫނެވެ. މިދިޔަ ޑިސެމްބަރު މަހު ޔޫއޭއީގައި ކުރިއަށްދިޔަ ކޮޕް-28 ގެ ހަވާސާގައި ބައެއް އެހެން ގައުމުތަކުގެ ލީޑަރުންނާ ރައީސް މުއިއްޒު ކުރެއްވި ބައްދަލުވުންތަކުގެ ވާހަކަ އެކްސްގައި އިނގިރޭސިން ޕޯސްޓު ކުރުމަށްފަހު ވެސް ވަނީ ޑިލީޓުކޮށްފަ އެވެ. ފަހުން ހަމަ އެ ވާހަކަތައް ހިމަނައިގެން ރައީސް އޮފީހުން ޕޯސްޓު ކުރީ ދިވެހި ބަހުންނެވެ.