19 ވަނަ ރައްޔިތުން މަޖިލީހުގެ އިއްތިފާގުން އިޒްރޭލުގެ ޕާސްޕޯޓް ބްލޮކް ކޮށް ދިނުމަށް އެދި، މުއިއްޒަށް ހުށައަޅާފައި ވާތާ 194 ދުވަސް - އަދި ހަމަ ކާހާތަން ހުރުވާވެސް ނުލާ

އެމެރިކާއާއި ސައުދި އަރަބިއްޔާ ރުއްސުމަށް ތަކުރާރުކޮން މި ސަރުކާރުން ދަނީ ފަލަސްތީނުގެ ކަންތަން ހީނަރުކޮށް ފަނޑުކުރަމުންނެވެ. އެގޮތުން ރައްޔިތުން މަޖިލީހުން އިޒްރޭލުގެ ޕާސްޕޯޓް ބްލޮކް ކޮށް ދިނުމަށް އެދި، މުއިއްޒަށް ހުށައަޅާފައި ވާތާ 194 ދުވަސް ވީއިރުވެސް އެއްވެސް ގޮތަކަށް އެކަމާއި އަޅާލާފައެއް ނުވެއެވެ.

ރައީސް ސޯލިޙްގެ ސަރުކާރުން ފަލަސްތީނު ރައްޔިތުންނަށް އިޒްރޭލުގެ ހައްދުފަހަނައަޅާފައިވާ ޔާހޫދީންގެ ލާއިންސާނީ އަމަލުތަކުން ސަލާމަތްކޮށް، އަމާންކަމާއި ކެތްތެރިކަމާއި ރައްކާތެރިކަން ދެއްވުމަށް އެދި ފަރުޟު ނަމާދުތަކުގައި ގުނޫތު ކިޔަން ފެށީ މިދިޔަ އަހަރުގެ އޮކްޓޫބަރު މަހުން ފެށިގެންނެވެ. ނަވަސް، މިއަހަރުގެ އެޕުރީލްއިން ފެށިގެން ސަރުކާރުގެ އެންގުމަށް އިސްލާމީ ކަންތައްތަކާއި ބެހޭ ވަޒީރު، ހުރިހާ ކައުންސިލްތަކަށް ފޮނުވި ސާކިއުލާއެއްގައި ވަނީ އެދުވަހުގެ މަޢްރިބް ނަމާދުން ފެށިގެން ގުނޫތު ކިޔުން ހުއްޓާލަން ރާއްޖޭގެ ހުރިހާ މިސްކިތެއްގެ މުދިމުންނަށް ސަރުކާރުން އެންގިއެވެ.

ނަމަވެސް، މިއަދު އިލްމުވެރީންނަށް ހާއްސަ ގުރޫޕެއްގައި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ މިއަދުގެ މަޣުރިބު ނަމާދުން ފެށިގެން ފަލަސްތީނުގެ ރަައްޔިތުންގެ ހައްގުގައި ފަތިސް ނަމާދާއި މަޣުރިބު ނަމާދުގައި ގުނޫތު ނާޒިލާ ކިޔަން އިމާމުންނަށް އަންގާނެ ކަމަށެވެ.

މިބީދައިން މިނިސްޓަރ ޝަހީމު އެގުރޫޕުގައި މި ލިޔުނީ، ސޯސަލް މީޑާގައި ސަރުކާރުން ފަލަސްތީނު ކަންތަކުގައި ގެންގުޅޭ ސުޓޭންޑު ރައްޔިތުންނަން އިއްޔެ ޕީއެންސީގެ ޕާލިމެންޓަރީ ގުރޫޕުގެ ލީޑަރު ބުނެދިނުމުން، އެކަމާއި ދެކޮޅުވެރިކަން ބޮޑުވެ، ހަތަރު އުދަރެސް ފެނުޖެހި، ސަރުކާރަށް ލިބޭ ޑެމޭޖު ކޮންޓުރޯލް ކުރުމަށެވެ. މީގެ، އިތުރުން ރޭގައިވަނީ ސަރުކާރުގެ ސިޔާސީ މީހުން ތިބޭ ގުރޫޕެއްގައިވެސް ސަރުކާރު އޮތީ ފަލަސްތީނާއި އެކުކަމަށް ބުނެ، ސުޓޭޓަސް ޖަހަން އަންގާ މަޖުބޫރުކޮށްފައެވެ.