އަޑު އިވެނީ އާސަންދަ ހޯދަން މެންބަރުންނަށް ގުޅާ ވާހަކަ، މިފަހަރު އައު ޓުރެންޑެއް- ގާނޫނު ކަނޑައަޅާފައިވާ ކުށެއް ކުރިޔަސް މެންބަރު އެކަމާއި އުޅޭނެ

ޝައިޚު އިމްރާން އަބްދުﷲގެ ކާރުކޮޅު އެކްސިޑެންޓު ވުމުން ކަމާ ނުބެހޭ މީހަކު އެދެމެދަށް ވަދެ ސިޔާސީ ހަސަދައިގައި ޝައިޚު އިމްރާނަށް ބަވައި ޕަބްލިސިޓީ ހޯދަން ކުރި މަސައްކަތް ފެއިލް ވެއްޖެއެވެ. 

ޕިކަޕަކާއި ޝައިޚު އިމްރާންގެ ކާރުކޮޅު ޖެހި އެކްސިޑެންޓް ހިނގުމުން އާންމުންގެ މީހާއަށް އެހީވުމަށް އެތަނަށް ދިޔަ ކަމަށް ބުނެ ބޮޑު ވީޑިޔޯއެއް ކުޅެ ސޯޝަލް މީޑިޔާއަށް ދޫކޮށްފައިވަނީ ހެންވޭރު ދެކުނު ދާއިރާގެ އިންތިހާބީ މެމްބަރު ހުސެއިން އިމްރާން ލަތީފެވެ. އޭނާއަކީ ސަރުކާރު ހިންގާ ޕީއެންސީއަށް ނިސްބަތްވާ މީހެކެވެ. 

އޭނާ ވަނީ އާންމުންގެ ސަމާލުކަން ހޯދައި މުއިއްޒުގެ ރުހުން ހޯދުމުގެ ބޭނުމުގައި މަގުމަތީގައި ހުރެ ޝެއިޚް އިމްރާނަށް ވަގަށް ގޮވާފައެވެ.

އެކްސިޑެންޓްވުމުން ކަން ކުރަން ޖެހޭ ގޮތަކީ ފުލުހުންނަށް ރިޕޯޓްކޮށް ދެ ފަރާތުން ވާހަކަ ދައްކައި މައްސަލަ ހައްލު ކުރުމެވެ. އެތަނަށް އިތުރު މީހަކު ވަދެ މެދުވެރިއެއްގެ ދައުރު އަދާ ކުރަން މަސައްކަތް ކުރުމެއް ނޯވެއެވެ. 

ނޫނީ މިއީ ކުރިއަށް އޮތް ތަނުގައި މަޖިލިސް މެމްބަރުންގެ މަސައްކަތްތަކަށް އިތުރުވާ ކަމަކީ ހެއްޔެވެ؟ 

އޭނާ އެތަނަށް ގޮސްފައިވަނީ އާންމުންގެ މީހާއަށް އެހީވުމަށް ވުރެ ބޮޑަށް ޕަބްލިސިޓީ ހޯދައި ޝެއިޚު އިމްރާނާ ދިމާލަށް އެއްޗެހި ކިޔުމަށް ކަމަށް ގިނަ ބަޔަކު ދެކެއެވެ. މަގާމު ލިބި ހުވާ ނުކުރެވެނީސް މިހާ ބޮޑާވެ ކިބުރުވެރިވާން ވެއްޖެނަމަ ފަހުން އަދި ކިހާވަރެއް ވާނެ ހެއްޔެވެ؟ 

ވީޑިޔޯއިން ފެނުނީ އޭނާ ދައްކަން ބޭނުންވި ސުޕަ ހީރޯ މަންޒަރެއް ނޫނެވެ. އެންމެންނަވެސް ފެނުނީ މީހުންނާ ޒާތީވެ ހަނގާކުރާ މަންޒަރެވެ.

މިއީ ޕީޕީއެމް ޕީއެންސީއިން، މީހުން ބުރެއިން ވޮޝްކޮށް ސިކުނޑިއާ ކުޅެލާފައި ހުރިގޮތެވެ. މި ތިބެނީ ބޮލުރޮދި ކެނޑިފައެވެ.