މުއިއްޒުގެ ރުހުމާއެކު މުއާޒް ކައިގެން ފުރައިފި، ކުދި ވަގުންތައް އަދިވެސް ކަނީ

ފެނަކަ ކުންފުނިން އެތައް މިލިއަން ރުފިޔާގެ ކޮރަޕްޝަން ހިންގައި، ގިނަ އަދަދެއްގެ ފައިސާ ލޫޓްކޮށްލުމަށްފަހު މުއާޒް މުހައްމަދު ރަޝީދު ރާއްޖެއިން ފިލައިފިއެވެ.

މުއާޒް ފެނަކަ މެނޭޖިންގ ޑިރެކްޓަރ ގެ މަގާމުން އިސްތިއުފާ ދިނީ މީގެ ދެ ދުވަސް ކުރިންނެވެ. އަދި އޭނާ ފިލީ މިއަދު މެންދުރު ފްލައިޓަކުން އިންޑިއާގެ ނިއު ދިއްލީއަށެވެ. އެއަށް ފަހު ދާނީ ދުބާއީއަށެވެ. މުއާޒް ފިލައިގެންދިޔައީ ކޮރަޕްޝަންގެ މައްސަލަތަކެއް ފެންމަތިވެފަ ހުއްޓާ، ޕާސްޕޯޓް ހިފެހެއްޓެން ވެސް އޮއްވާ އެކަން ނުކުރުމަށް މުއިއްޒު އަންގާ، އެ ފުރުސަތު ދިނުމުންނެވެ.

މުއާޒް ކައިގެން ފުރިޔަސް އަދިވެސް ފެނަކައިގައި އޭނާ ވަޒީފާއަށް ވެއްދި މީހުންނާއި ހިތާވެގެން އުޅުނު މީހުން އަންނަނީ ބޯކޮށް ކަމުންނެވެ.

އޭގެ ތެރޭގަ މުއާޒް އަންހެނުންގެ ކޮއްކޮ އަބްދުﷲ ޒާހިރު (ޖޭމްސް ބޮންޑް) އާއި މުއާޒްގެ ކޮއްކޮ ޕްރޮޖެކްޓްސް ޑިޕާރޓްމަންޓްގެ މެނޭޖަރ އަލީ ހަމްދޫން ހިމެނެ އެވެ. ޒާހިރާއި ބޭންކް އޮފް މޯލްޑިވިސްގެ ވަޒީފާގަ ސްކޭމް ޖައްސައިގެން ކަސްޓަމަރުންގެ ފައިސާ ވަގަށް ނެގި މައްސަލައެއްގައި އެތަނުން ކަނޑާލާ، ޓްރީ ޓޮޕް ހޮސްޕިޓަލުގެ  ވަތްގަނޑު ދޮވެލައިގެން އެތަނުން ކަނޑާލާ، އުރީދޫއިން ވައްކަން ކޮށްގެން އެ ތަނުންވެސް ކަނޑާލި މީހެކެވެ. އެ ހުރިހާ ފައިސާއެއް ތަޅާ ބުރުވާލީ ހަމްދޫންއާ ގުޅިގެންނެވެ.

އާއިލާ މެމްބަރުންގެ އިތުރުން މުއާޒްގެ ހިތާވެގެން ސޯފާ ބިންދަން ގެންގުޅުނު އަދި ވައްކަމުން ބައިއަޅާ މީހުން ވެސް ފެނަކަ ތެރޭގަ އަދިވެސް އެބަތިއްބެވެ.

 

އޭގެ ތެރެއިން އެކަކަކީ ޕްރޮކިއުމަންޓް ޑިޕާޓްމަންޓްގެ ކުރީގެ ހެޑް އަދި ކޮރަޕްޝަންގެ މައްސަލަތަކެއް ފެންމަތިވުމުން އެމްޑީ ބިއުރޯއަށް ލާ ފޮރުވި އައިޝަތު އައިމަން ހިމެނެއެވެ. ބިއުރޯއަށް ދިޔަ ފަހުން މުއާޒް އެޕްރޫވް ކުރަން ޖެހޭ ހުރިހާ ޕަރޗޭސް އޯޑަރތަކެއް އެޕްރޫވް ކުރަނީ ވެސް އައިމަނެވެ. މި ދެ މީހުންގެ ކަމަކީ ވައްކަން ކުރުމެވެ. މުއާޒް އޮފީހުގަ އުޅޭ ދުވަހެއް ވެއްޖެއްޔާ އައިމަން ގިނަ ވަގުތުގަ އުޅެނީ އޭނާގެ ކެބިންގައެވެ.

އަދި އައިމަން ދިޔަ ފަހުން ޕްރޮކިއުމަންޓް ހަވާލުކުރީ އައިމަން ކުރިން ހިތާވެގެން އުޅުނު އަބްދުލް ވާހިދުއާ އެވެ. ފެނަކައިން ގޯލްޑަން ޓަވަރުގެ ބުރިތަކެއް ކުއްޔަށް ނެގުމުގެ ޖަރީމާގަ އިސްކޮށް އުޅުނީ ވާހިދުއެވެ.

މުއާޒް ފިލައިގެންދިޔަޔަސް އޭނާގެ ކަޓް ފައިސާ ހޯދަން ގެންގުޅުނު އެޗްއާރް ޑިޕާޓްމަންޓްގެ ހެޑް ހުސައިން ހަސަން ފުޅާއި ޑެޕިއުޓީ މެނޭޖިންގ ޑިރެކްޓަރ ހުސައިން ޒުހުރީ އަދިވެސް ދަނީ ގިނަ އަދަދެއްގެ ޖަރީމާތަކެއް ހިންގަމުންނެވެ.

އަޅުގަނޑުމެންގެ ޓީމުން މި ދަނީ ފެނަކަ އެކި ދިމަދިމާލުގަ ތިބި މުއާޒް އޭޖެންޓުންނަކީ ކޮބާކަން ދެނެގަތުމުގެ މަސައްކަތްކުރަމުންނެވެ. އަދި މިކަމުގަ އަންހެން ފިރިހެން އެއްވެސް ތަފާތެއް ނުކޮށް، ލިބޭ މައުލޫމާތު ޔަގީންކުރުމަށްފަހު ހަބަރު ގެނެސްދޭނަމެވެ.