ޗައިނާއިން އެދިގެން އިންޑިއާއަށާއި ދިވެހިންނަށް ޖާސޫސު ކުރުމަށް ސިއްރުން ޑްރޯންތަކެއް އެތެރެކޮށްފި, ޑްރޯން އޮޕަރޭޓް ކުރާނީ ޗައިނާ ސިފައިން – އިންޑިއާ ބޯޑަރާ ކައިރިވެއްޖެނަމަ ހަމަލާދޭނެކަމުގެ އިންޒާރު އިންޑިއާއިން ވަނީ ދީފަ

މުއިއްޒު ޗައިނާއަށް ގޮސް ވީ ސިއްރު 4 އެއްބަސްވުމުގެ ތެރެއިން 1 އެއްބަސްވުމަކީ ދިގު މުއްދަތަކަށް ބަހާލައިގެން ޗައިނާގެ އަސްކަރީ މަރުކަޒެއް މަކުނުދޫގައި ގާއިމު ކުރުމުގެ އެއްބަސްވުމެވެ. މި އެއްބަސްވުމުގެ ފުރަތަމަ އަމަލީ މަޝްރޫއު ފެށުމުގެ ގޮތުން ޗައިނާ އަސްކަރިއްޔާގެ އިސް ފަރާތްތަކުންވަނީ މިދިޔަ ހަފްތާގައި ރާއްޖެ އައިސް ޑިފެންސް މިނިސްޓަރާއެކު އަމަލީ މަސައްކަތުގެ ސިއްރު އެއްބަސްވުންތަކުގައި ސޮއިކޮށްފައެވެ. މި އެއްބަސްވުންތަކުން ދިވެހި ސަރުކާރަށް ލާޒިމް ކުރަނީ ޑްރޯން އޮޕަރޭޓް ކުރުމަށް ޗައިނާ ސިފައިން ޗައިނާގެ އެމްބަސީ މުވައްޒަފުންގެ ގޮތުގައި ރާއްޖޭގައި ބޭތިއްބުމަށާއި, އެފަރާތްތަކަކީ ދިވެހި ދައުލަތުގެ ބާރު ނުފޯރާ އަދި ޕްރޮސެކިއުޓް ނުކުރެވޭ ފަދަ ޑިޕްލޮމެޓިކް ވިޒާ ލިބިފައިވާ ފަރާތްތަކަކަށް ހެދުމަށެވެ.

ޗައިނާ ސިފައިން އޮޕަރޭޓް ކުރުމަށް ސިއްރިއްޔާތުގައި އެތެރެކުރި 6 ޑްރޯންގެ ތެރެއިން 4 ޑްރޯން - މާފަރު އެއާޕޯޓުގައި

ޗައިނާގައި މުއިއްޒު ސޮއި ކުރި އެއްބަސްވުމުގެ ޚަބަރު އިންޑިއާއަށް ލިބުމާއެކު އިންޑިއާއިން ޑިޕްލޮމެޓިކް ޗެނަލްތައް މެދުވެރިކޮށް ދިވެހި ސަރުކާރަށް އަންގާފައިވަނީ ޗައިނާއިން އޮޕަރޭޓް ކުރާ ޑްރޯނެއް އިންޑިއާގެ ވައިގެ ސަރަހައްދާ ގާތްވި ނަމަވެސް ހަމަލާ ދޭނެ ކަމަށާއި, ޖާސޫސީ މިފަދަ އުޅަނދުތައް ވައިގެ ސަރަހައްދަށް އެކީ ނުވަތް ނަމަވެސް ސަމާލުކަން ނުދޭނެކަމަށެވެ. އަދި މިކަން ފަހި ކުރުމުގެ ގޮތުން މި ހަފްތާގައި އިންޑިއާއިން ވަނީ އެގައުމުގެ ކަނޑު ލަޝްކަރުގެ ބޮޑު މަރުކަޒެއް ލަކްޝަދީޕްގައި ހުޅުވާފައެވެ. މިއީ ކުރިންވެސް މަސައްކަތް ހިނގަމުން ދިޔަ ތަނެއް ނަމަވެސް, މުއިއްޒު ވެރިކަމަށް އައިސް ޗައިނާ ސިފައިން ރާއްޖެ އަރުވާނެކަން ކަށަވަރުވުމުން މި މަރުކަޒުގެ މަސައްކަތް އަވަސްކޮށް މިވަނީ މިހާރު ހުޅުވާފައެވެ.

ޗައިނާއިން އޮޕަރޭޓް ކުރާ ޑްރޯން ބޯޑަރާ ކައިރިވެއްޖެ ނަމަ ހަމަލާ ދޭނެކަމަށް އިންޑިއާއިން ބުނެފައިވޭ

މުއިއްޒަށް ގައުމުގެ އިގްތިސާދު ހިންގުމަށް ނޭނގުމާއި, ބޭކާރު އެތައް ސަކޭތަ މިލިއަން ރުފިޔާގެ ޚަރަދެއް މުއިއްޒާއި ސާޖިދާގެ ނާޗަރަންގީއަށް ކުރުމާއި އެތައް ސަތޭކަ މިނިސްޓަރުންގެ ވަޒީފާގެ މުސާރައާހުރެ މުއިއްޒަށް މަޖުބޫރު ވެފައިވަނީ ޗައިނާއިން އެދޭހާ ކަމެއް ކޮށްދޭށެވެ. ސާޖިދާގެ ނާޗަރަންގީއަށް ޚަރަދުކުރާނެ ފައިސާގެ ދައުލަތުގެ މާލިއްޔާއަކު ނެތެވެ. އަދި ޗައިނާއިން ދަނީ އަދިވެސް އެއްވެސް ވަރަކަށް ލޯނުގެ ގޮތުގައިވިޔަސް ފައިސާގެ އެހީއެއް ދިނުމަށް ދެކޮޅު ހަދަމުންނެވެ. މިހުރިހާ ކަމެއް ކޮށްދީގެން މުއިއްޒު ބޭނުންވަނީ ވެރިކަމުގެ 5 އަހަރު ހިފެހެއްޓޭތޯ ޗައިނާއަތުން ލޯނުގެ ގޮތުގައި ފައިސާ ހޯދާށެވެ.