ޗައިނާ ސަރުކާރުން ހަދިޔާކުރި 40 ޓަނު ފިޔާ ބަހާ ނިންމާލީ ހިޔާ ފުލެޓަށް އެކަނި - ޖަމިއްޔާއެއް މެދުވެރިކޮށް މިޒާތަށް ކުރިން ބެހީ ހައްޖު ކޯޓާއާއި ޕެނެޑޯލް

ޗައިނާ ސަރުކާރުން ހަދިޔާކުރި 40 ޓަނު ފިޔާހިޔާ ފުލެޓުތަކަށް އެކަނި ބަހާ ނިންމާލައިފިއެވެ. 

ޖަމިއްޔާއެއް މެދުވެރިކޮށް މިޒާތަށް ކުރިން ބަހާފައިވަނީ ހައްޖު ކޯޓާއާއި ޕެނެޑޯލެވެ. 

ޗައިނާ ސަރުކާރުން ރާއްޖޭގެ ރައްޔިތުންނަށް ބަހަން ދިން ފިޔާކޮޅު ބަހައި މި ނިންމާލީ މުއިއްޒު ހިތް ރުހޭ ބަޔަކަށެވެ. 

މި ފިޔާތައް ބެހުމުގައި އުޅުނު މިދުއަމް ސައީދު ބުނި ގޮތުގައި މިއީ މި ފަހަރު މިކަން ކުރެވެން އޮތް ގޮތެވެ. ފިޔާ މި ފަހަރު ހައްގުވީ ޗައިނާ މީހުން އަޅައިދިން ހިޔާ ފްލެޓުތަކުގައި އުޅޭ މީހުންނަށް އެކަންޏެވެ. ރާއްޖޭގެ އެންމެންނަށް މި ފިޔާ ލިބެން ޖެހޭނެކަމަށް ބުނި ނަމަވެސް އޭނާ ބުނި ގޮތުގައި 25 ވޮލަންޓިއަރުންގެ މަސައްކަތުން ފިޔާކޮޅު ބެހެން އޮތީ ހިޔާ ފްލެޓުތަކުގައި އެކަންޏަށެވެ. 

އޭނާ ބުނި ގޮތުގައި އެމީހުން ބޭނުންވާ މިންވަރަށް ޖާގަ ލިބި ޑިސްޓްރިބިޔުޝަން ޕޮއިންޓްގެ ގޮތުގައި ކަނޑައެޅީ ހިޔާ ފްލެޓެވެ. 

25 ވޮލަންޓިއަރުންގެ މަސައްކަތުން ހިޔާ ފްލެޓުތަކަށް ބެހުނުއިރު އެހެން ހިސާބުތަކަށް ބެހުމުގެ މަސައްކަތް ކުރާނެ މީހުން ހޯދުމަށް މިމީހުން ކުރީ ކޮން މަސައްކަތެއް ހެއްޔެވެ؟ ރަށްރަށަށް ފޮނުވުމަށް އެހީ ހޯދަން މި މީހުން ކުރީ ކީއްހެއްޔެވެ؟ 

މިކަން ކޮށް ނިންމާލީ އެމީހުން ބޭނުންވަ ގޮތަށެވެ. އެމީހުން ބޭނުންވާ ބަޔަކަށް ބަހައި ނިންމާލީއެވެ.