ސީ އެމް ސީ ފައިސާގެ މައްސަލަތަކާއި ހުރެ، ބޮސްކާލިސް ރާއްޖެ ދޫކޮށްލަނީ!

ފުށިދިއްގަރުފަޅު ހިއްކަން ހަވާލުކޮށްފައިވާ ލަންކާ ކުންފުންޏެއްކަމަށްވާ ސީއެމްސީ އިން ފައިސާ ގެ މައްސަލަތަކާއި ހުރެ، ސަބުކޮންޓުރެކްޓް ކުންފުނި  ބޮސްކާލިސް ރާއްޖެ ދޫކޮށް ދިޔުމަށް ނިންމައިފިކަމަށް ބުނާ އީމެއިލް ކޮންވަޒޭޝަންތަކެއް މިވަނީ މީސް މީޑިއާގައި އާންމު، ލީކުވެފައެވެ.

ސީއެމްސީ އިން އަދާކުރަނީ މެދުވެރިއެއްގެ ދައުރެވެ. ޕްރޮޖެކްތަކުގެ ހުރިހާ މަސައްކަތެއް ކުރަނީ ބޮސްކާލިސް އިންނެވެ. ސަރުކާރުން ލާރި ދެނީ ސީއެމްސީ އަށެވެ. ސަރުކާރުން ފައިސާ ލިބުމުން، ސަރުކާރުގެ ވެރިންނަށް ދޭންޖެހޭ ބައި ދީ ނިންމުމަށްފަހު، ބޮސްކާލިސްގެ އިންވޮއިސްތަކަށް ސީއެމްސީއިން މީގެ ކުރިން ވަނީ ފައިސާ ދައްކާފައެވެ. ނަމަވެސް، ސަރުކާރުން، މަޖިލިސް އިންތިހާބަށް ގިނަ އަދަދެއްގެ ފައިސާ ބޭނުންވެގެން، މި ސަރުކާރަށް ގިނައަދަދެއްގެ ކަޅު ފައިސާ ދޭން ޖެހުމުގެ ސަބަބުން، ސީއެމްސީއަށް ވަނީ މި ފަހުން، ބޮސްކާލިސް ހުށައެޅި އެއްވެސް އިންވޮއިސް އަކަށް ފައިސާ ދޫކުރެވޭ ގޮތް ނުވެފައެވެ.

ފުށިދިއްގަރުފަޅު ސީއެމްސީއަށް ނާޖާއިޒު ގޮތުގައި ބިޑަކާއި ނުލައި، އެޗްޑީސީ މެދުވެރިކޮށް ދީގެން ހޯދި 100 މިލިއަންގެ ކަޅުފައިސާއިން ރިޝްވަތު ދީގެން އެމްޑީޕީ މެމްބަރުންތަކެއް މުއީއްޒު ވަނީ މިހާރު ގަނެލާފައެވެ. ގަނެފައިވާ މެމްބަރުންނަށް ކޮންމެ މެމްބަރަކަށް 4 މިލިއަން ރުފިޔާއާއި، ދައުރު ނިމުމުން ސްޓޭޓް މިނިސްޓަރުކަން ނުވަތަ ނުފޫޒުގަދަ މަގާމެއް ދިނުމަށް މުއިއްޒު ޑީލު ހަދާފައިވާކަމަށް ރަށު ހޮޅުއަށީގައި އެއްވާމަކަށް ދައްކަމުންދެއެވެ.