ކްރައުޑްސްޓްރައިކްގެ އަޕްޑޭޓަކުން ދުނިޔެ ހުއްޓުމަކަށް އައިސް، ސަރުކާރުތައް ކުއްލި ޙާލަތަކަށް!

ދުނިޔޭގެ އެތައް ޤައުމެއްގައި ވިންޑޯސް ކޮމްޕިއުޓަރުތައް ހުއްޓުމަކަށް އައިސް، ބޭންކުތަކާއި އެއަރޕޯޓުތަކުގެ މަސައްކަތްތަކަށް ބުރޫއަރައިފިއެވެ. ކްރައުޑްސްޓްރައިކްގެ އެންމެ ފަހުގެ އަޕްޑޭޓުގެ ސަބަބުން ދިމާވި މި މައްސަލައިގައި ގިނަ ބަޔަކަށް "ބްލޫ ސްކްރީން އޮފް ޑެތް" ފެނިގެން ދިޔައެވެ.

ހުޅަގުގެ ބައެއްގައުމުތަކުގެ ބޭންކުތަކާއި، އެއަރލައިންތަކާއި، ޓީވީ ބްރޯޑްކާސްޓަރުން މިކަމާ ގުޅޭ އިންޒާރު ދަނީދެމުންނެވެ، ދުނިޔޭގެ ބައެއް ބޮޑެތިގައުމު ތަކުގެ ސަރުކާރުން ވަނީ ކުއްލި ބައްދަލުވުމެއް ބޭއްވާ، އެއާޕޯޓުތައްވެސް ވަގުތީގޮތުން ސަސްޕެންޑުކޮށްފައެވެ. 

ކްރައުޑްސްޓްރައިކުން މިހާރު ވަނީ މި މައްސަލަ ޤަބޫލުކޮށް، އަވަސް މުއްދަތެއްގެ ތެރޭގައި ހައްލެއް ހޯދުމަށް މަސައްކަތް ފަށާފައެވެ. މި ހާދިސާއަކީ ސައިބަރ ސެކިއުރިޓީގެ ދާއިރާގައި ފަހަކަށް އައިސް ދިމާވި އެންމެ ބޮޑު އެއް މައްސަލަ ކަމުގައި މާހިރުން ދަނީ ބުނަމުންނެވެ.