ދަނޑުވެރިކަން ކުރަންވެސް އެންމެ ރަނގަޅީ މާލޭ ސަރަހައްދުގައި ބިންހިއްކައިގެން - ސަރުކާރުން

ދިވެހިރާއްޖޭގައި ދަނޑުވެރިކަން އިތުރަށް ފުޅާކުރުމަށާއި ކާބޯތަކެތީގެ ސެކުއުރިޓީ ކަށަވަރު ކުރުމުގެ ގޮތުން ފުޑް ސެކިއުރިޓީ ޤާއިމްކުރުމަށްޓަކައި ޗައިނާ ސަރުކާރާއެކު އެއްބަސްވުމެއް ހަދާފައިވާކަމަށް ރައީސުލްޖުމްހޫރިއްޔާ ޑރ. މުޢިއްޒު ވިދާޅުވީ ޗައިނާއަށް ކުރެއްވި ރަސްމީދަތުރު ނިންމާލަށަވުމުގެ ގޮތުން ބޭވި އިންޓަވިއުއެއްގައި އަސުރު ނަމާދުގެ ކުރިންނެވެ. 

ސަރުކާރުންވަނީ މިފަހަރު ދަނޑުވެރިކަން ކުރާނީ އުތުރު ތިލަފަޅުން ބިން ހިއްކައިގެން ކަމަށް ބުނެ ދަނޑުވެރި ރައްޔިތުންގެ މޫނުމަތީ ތަފާލަކުންޖަހާފައެވެ. ދަނޑުވެރިކަމީ ރާއްޖޭގައި މޭޖާ އިންޑަސްޓިރީއަކަށް ނުވިނަމަވެސް، ދަނޑުވެރިކަން ކުރަމުން އަންނަ ރަށްތައްވެސް އެބަހުއްޓެވެ. ނަމަވެސް، ސަރުކާރުގެ ވިސްނުން ހުރީ ބިންހިއްކައިގެން ދަނޑުވެރިކަން ކުރުމަށެވެ. ހަރަދު ކުޑައީ އެގޮތްކަންނޭގެއެވެ. 

އަތޮޅުތެރޭގައި ބޭނުން ނުކުރާ ވަރަށް ކުޑަހަރަދަކުން ފަށައިގަނެވޭނެ ރަށްތައް ހުއްޓާ މާލެ ސަރަހައްދުން ބިމެއް ހިއްކައިގެން ބޮޑުއިންވެސްޓު މެންޓެއްކުރަނީ ފަހަތުގައި އަޑިނޭގޭ ސިއްރުތަކެއް އޮންނާނެއެވެ. ލިކިޔުމެން ހޯދަން އުޅުނަސް މިސަރުކާރުން އެ ލިޔުން ހޯދުމަކީ "ނުބިންދާލާ ރާޅެއްގެ ފޮނު" ހޯދަން ކަހަލަ ތަކުލީފީ ކަމެކެވެ. 

އެމްއައިޑީ އަކީ މިސަރުކާރުން އަކީ ދައުލަތުގެ ފަސް ކުންފުންޏެއް ގުޅިގެން އުފައްދާފައިވާ ޖޮއިންޓް ވެންޗާ އެކެވެ. އެމްއައިޑީ ހިންގެވުމުގައި އިސްކޮށް އުޅުއްވަނީ ޝިމާދު އިބްރާހީމެވެ. ނޫސްތަކަށް މައުލޫމާތު ދިންގޮތުގައި ދަށުން ޗައިނާގެ ކުންފުންޏާ އެކު މަސައްކަތް ކުރާނީ ރާއްޖޭގައި އެގްރިކަލްޗާ އިކޮނޮމިކް ޒޯންނެއް ގާއިމްކުރުމަށެވެ. 

ކުރީގެ ސަރުކާރުންވެސް 2020 ވަނަ އަހަރުވަނީ އެގްރޯ ނޭޝަނަލް ކޯޕަރޭޝަން ލިމިޓެޑް (އެގްރޯނެޓް) ނަމުގައި ކުންފުންޏެއް އުފައްދަވާ ދަނޑުވެރިކަމަކީ ސިނާއަތަކަށް ހެދުމުގެ މަސައްކަތް ކުރިއަށް ގެންގޮސްފައެވެ. އެގްރޯނެޓްގެ އަމާޒަކީ ، ދަނޑުވެރިކަމަށް ބޭނުންވާ އިދާރީ އަދި ފަންނީ ދާއިރާއިން ލިޔާޤަތާއި ޤާބިލިއްޔަތު އުފައްދައި ، ތަރައްޤީކޮށް އާ ހަރުފަތަކަށް ދިވެހި ދަނޑުވެރިކަން ވާޞިލް ކޮށްދިނުމެވެ. އޭރުގެ ސަރުކާރުގެ މާސްޓާ ޕުލޭނަކީ މީހުން ދިރިއުޅޭ ރަށްތަކުގައި އެރަށުގެ ރަށްވެހިން ލައްވާ، އެކި ލެވަލުގައި ދަނޑުވެރިކަން ކުރުމެވެ. ދަނޑުވެރިކަމުގެ ނަފާ އާންމު ފަރުދުންނަން ހޯދާދިނުމެވެ.