ދައުލަތުގައި ލާރިނެތީ ހަމައެކަނި އަތޮޅުތެރޭގައި މަސްރޫތައް ހިންގަން!

މަޖިލީސްއިންތިހާބައް ފަންޑުހޯދުމަށް މޮޅު އޮޅުވާލުމެއް ތެރެއިން ބޮޑިބިޔަ މަސްރޫއެއް ހަމަ ކުއްލިއަކަށް އާބަނު ކޯއިން ފަށައިފިއެވެ. މި މަޝްރޫއު ކުރިއަށްގެންދަނީ އާބަންކޯގެ ބެލުމުގެ ދަށުން، މިހާރުވެސް ބިން ހިއްކުމުގެ ބިޔަ މަޝްރޫއުތަކެއް ހިންގަމުން އަންނަ ސްރީލަންކާގެ ކެޕިޓަލް މެރިން އެންޑް ސިވިލް ކޮންސްޓަރަކްޝަން ކުންފުންޏާ ހަވާލުކޮށްގެންނެވެ. 

ރައީސް ޑރ މުއިޒު ވިދާޅުވި ގޮތުގައި މި ސަރަހައްދު ތަރައްގީ ކުރައްވާނީ ތައުލީމާއި ސިއްހަތުގެ އިތުރުން ވަޒީފާގެ ފުރުސަތުތައް ވެސް ފަހިވާގޮތަށް ވަށައިޖެހޭ ހައްލެއް ލިބޭ ގޮތަށެވެ. ނަމަވެސް މި ޕްރޮޖެކްޓަށް ފައިސާ ހޯދާނެ ގޮތެއް ސަރުކާރަކުން އަދި ހާންމައެއް ނުކުރެއެވެ. އުފެދޭ ސުވާލަކީ މިހާރު ހިއްކާފައިވާ ބިންތަކުގައި ގެދޮރުވެރި ކުރުން ކަމުނުދަނީތޯ؟ ނޫނީ ފޮރޮވިފައިވާ ޖަރީމާތަކެއް މި ޕުރޮޖެކްޓު ފަހަތުގައި އޮތީބާ؟ 

މި މަޝްރޫއުގެ ބޭނުމަށް ރައީސް ޑރ. މުއިއްޒުވަނީ، އެ މަނިކުފާނަށް ލިބިދޭ ޚާއްސަ ބާރުގެ ދަށުން ގަރާރެއް ނެރުއްވައި ފުށިދިއްގަރުފަޅު، ކ. ގުޅީގެ އިހްތިޞާސުން އުނިކުރައްވައިފައެވެ. މިއީ ލާމަރުކަޒީ ބާރުގެ ތެރެއިން، މާލީ ސީޓީއަށް ހުޅުމާލެ ނުލިބުގެން ސަކުވާކުރި މޭޔަރުއަށް ބާރު ލިބުނުހިނދު ކަންކުރިގޮތެވެ. 

ސިޔާސީ ބޭފުޅުން ބުނާގޮތުގައި މިއީ 2024 މަޖިލީސް އިންތިހާބައް ބޭނުންވާ ފައިސާ ހޯދަން ހިންގާ ޕުރޮޖެކްޓެކެވެ. މީގެ ކުރިންވެސް އެމަނިކުފާނު މިނިސްޓަރ ކަމުގެ ދުވަސްވަރު، ބައެއް އަމިއްލަ ކުންފުނިތަކުން ބޮޑެތި އަދަދުން ފައިސާ ޑރ މުއިޒުގެ އެކައުންޓަށް ޖަމާވިކަމަށް ތުހުމަތު ކޮށް ސޯސަލްމީޑިއާގައި އަޑުތައް ފެތުރިފައެވެ.