ދީނާއި ގައުމު ހިމާޔަތްކުރުމަށް އައި ސަރުކާރުން ބެލެނިވެރިންގެ ނުރުހުމުގައި އަރަބިއްޔާ ސްކޫލުގައި ދެ ޖިންސު މަސްހުނިކޮށް ކިޔަވައިދެނީ

ބެލެނިވެރިންގެ ނުރުހުމުގައި އަރަބިއްޔާ ސްކޫލުގައި ދެ ޖިންސު މަސްހުނިކޮށް އަނެއްކާވެސް ކިޔަވައިދޭން ފަށައިފިއެވެ. 

އަރަބި އިސްލާމީ ތައުލީމަށް ކިޔަވައިދިނުމަށް ރާއްޖޭގައި ހުންނަ ހަމައެކަނި ސްކޫލަކީ އަރަބިއްޔާ ސްކޫލެވެ. 

އަރަބިއްޔާ ފެމިލީ އިން އެކްސްގައި ކުރި ޕޯސްޓެއްގައި ވަނީ އެކަމުގެ ކަންބޮޑުވުން ފާޅުކޮށްފައެވެ. އެގޮތުން  އެ ސްކޫލުގެ ޑެޕިއުޓީ ޕްރިންސިޕަލް އަޒުމާގެ ނުފޫޒުން ބެލެނިވެރިންނަށް ގޮން ޖަހައި ގްރޭޣް 12ގެ ސައިންސް ސްޓްރީމްގެ ދަރިވަރުންގެ ކްލާސްތައް ދެ ޖިންސު މަސްހުނިކޮށްގެން ކުރިއަށްގެންދާކަމަށް ލިޔެފައިވެއެވެ. 

ކުރީއްސުރެވެސް މި މައްސަލަ އަރަބިއްޔާ ސްކޫލަށް ދިމާވިނަމަވެސް 2019 ވަނަ އަހަރު އޭރުގެ އެޑިޔުކޭޝަން މިނިސްޓަރ ޑރ އައިޝަތު އަލީ ވަނީ އެ ސްކޫލުގައި ދެ ޖިންސު ވަކިން ކިޔަވައިދިނުމަށް އަންގާފައެވެ. 

ކުރީ ސަރުކާރުގެ ތެރޭގައި ހިނގާފައި ހުރި ކަންކަމުގައި ރައީސް ސޯލިހުގެ ސަރުކާރުން އަރަބިއްޔާއަށް އިހުމާލުވަމުންދާކަމަށް އޭރު ވަރަށް ބޮޑަށް މިހާރުގެ ސަރުކާރު ޕާޓީން ތުހުމަތު ކުރިއެވެ.

އެހެންނަމަވެސް ވެރިކަމަށް އައުމަށްފަހު މި ފެންނަނީ އަރަބިއްޔާ ސްކޫލުގެ ބެލެނިވެރިން ބޭނުންވާ ކަންކަން އޮޅާލައި ސަރުކާރުގެ ނުބައިކަން އެސްކޫލުގެ ބެލެނިވެރިންނަށް ދައްކާލާ މަންޒަރެވެ.