ދިވެހިންގެ ރާއްޖޭގައި އާ އަހަރު ފާގަކުރާނީ މިއުޒިކާއި ހަވާއާއިއެކު!

ދިވެހިންގެ ރާއްޖޭގައި އާ އަހަރު ފާހަގަކުރުމަށް ހަވާ އެރުވުމާއި ލޭޒާ ޝޯއާއެކު، މިއުޒިކް ފެސްޓިވަލެއް ބޭއްވުމަށް މިނިސްޓްރީ އޮފް ޔޫތު އެމްޕަވަމަންޓް، އިންފޮމޭޝަން އެންޑް އާޓްސް އިން ނިންމައިފި އެވެ. މި އިވެންޓު ކުރައަށް ގެންދިއުމަށް ހަމަޖެހިފާއިވަނީ " ދިވެހިންގެ ރާއްޖެ 2024" ގެ ނަމުގައި މާލޭގައި އެކަނިއެވެ.

މިކަމުގެ މައުލޫމާތު ފޯރުކޮށްދިނުމަށްޓަކައި މިޔަދު ސަރުކާރުން ބޭވި ނޫސްވެރިންގެ ބައްދަލުވުމެއްގައި މިނިސްޓަރ އަޝްވާޑު ވިދާޅުވީ "މީ އެހެންލެވަލެއްގައި ކުރިއަށްގެންދަވާނެ ފެސްޓިވްއެއް ކަމާއި 31 ޑިސެންބަރ ވާއާދިއްތަ ދުވަހުގެ ހަވީރުން ފެށިގެން އިވެންޓުގެ ހަރަކާތްތައް ފެށިގެން ދާނެކަމަށް" މި ގޮތުން ކުޑަކުދިންގެ ހަވީރަކާއި ދިވެހި އާޓިސްޓުންގެ ހުނަރު ދައްކާލުން އޮންނާނެކަމަށެވެ. ވަކިން ހާއްސަކޮށް އެރޭގެ އިވެންޓު ފޯރިގަދަވާނެކަމަށާއި ޑީޖޭ، ހަވާގެ އިތުރުން ލޭޒާސޯއެއްވެސް އޮންނާނެ ކަމަށް މިނިސްޓަރ އިއުލާނު ކުރެއްވިއެވެ. 

މިކަމާ ގުޅިގެން ސޯޝަލް މީޑިއާގައި ގިނަ ބަޔަކު އަންނަނީ ޖަމިއްޔަތުލު ސަލަފާއި އިލުމުވެރިންގެ ގުޅުންފަަދަ ކުރީ ސަރުކާރަށް ފާޑުވިދާޅުވި އިލްމުވެރިން ކޮބައިތޯ ސުވާލުކޮށް ނުރުހުންފާޅުކުރަމުންނެވެ. ނަމަވެސް އަދި މިހާތަނަށް ޖަމިއްޔަތުއްސަލަފުން އަދި  އެއްވެސް ދީނީ އިލްމުވެރިޔަކު މިކަން ކުށްވެރިކޮށްފައިނުވާކަން ފާހަގަކޮށްލެވެއެވެ. އާންމުކޮށް މިކަހަލަ ކަންތަކުގައި ފާޑުވިދާޅުވެ، ބަސްބުނާ އިލްމުވެރިން ހަނު ހުރުން، ރަމުޒުވަނީ މިކަމުގައި ފިތި ތާށިވެފައިވާ މިންވަރެވެ.