ފުށިދިއްގަރު ފަޅެއް ނުއެއް ވޮޑަ، ނަމަވެސް ރާޖޫއަށް ދިން ބިންކޮޅު ވިއްކަން އިސްތިހާރު ކުރަނީ

ފުށިދިއްގަރު ފަޅު ހިއްކުމުގެ ބަދަލަށް ރާޖޫއަށް ދިން ބިމުގެ ބައިތައް ވިއްކަން އޭނާ އިސްތިހާރު ޖަހަން ފަށައިފިއެވެ. 

އިސްތިހާރުތަކުގައި ވަނީ ރާޖޫގެ ކެޕިޓަލް މެރީން އެންޑް އިންވެސްޓްމަންޓް (ސީއެމްސީ) އިން ބިން ވިއްކަން ހުޅުވާލާފައިވާ ކަމަށެވެ. 

ފުށިދިއްގަރު ފަޅު ހިއްކަން ހަވާލު ކުރީ ރާޖޫއަށް މާލޭގެ އަވަށެއް ވަރުގެ ސަރަހައްދެއް ބަދަލުގައި 99 އަހަރަށް ދިނުމަށްފަހުއެވެ. 

ރާޖޫގެ ކެޕިޓަލް މެރީން އެންޑް އިންވެސްޓްމަންޓް (ސީއެމްސީ) ކުންފުންޏަށް ހުށަހެޅީ އެ ކުންފުނިން ހިއްކާ ދޭ ބިންތަކުން 70 ހެކްޓަރުގެ ބިން 99 އަހަރަށް ދޭ ގޮތަށެވެ. އެއީ ފުށިދިއްގަރުން 60 ހެކްޓަރުގެ ބިމާއި ހުޅުމާލެއިން 10 ހެކްޓަރުގެ ބިމެވެ.

ގޯތި ދިނުމަށް ކަމަށް ބުނެ މާލޭ ރައްޔިތުންގެ ލޮލުގައި އަނދުން އަޅުވައި ފެށި ބިޔަ ރަސްމާލެ ޕްރޮޖެކްޓުގެ މަސައްކަތް އެއްވެސް ވަރަކަށް ކުރިއަކަށް ނުދެއެވެ. އެޅި ފަސްކޮޅު ވެސް ދަނީ ގިރަމުންނެވެ. 

މުއިއްޒުގެ ރަސްމާލެ ޕްރޮޖެކްޓް ފެށީ އެއްވެސް ޕްލޭނެއް ނެތިއެވެ. އެއީ އެއްވެސް އުންމީދެއް ނެތް ޕްރޮޖެކްޓެއްކަމަށް މާލޭގެ ރައްޔިތުން ގަބޫލުކުރެއެވެ.