އިހި ނަގަން މޫދަށް ފޭބި ޒުވާނާ އަދިވެސް ނުފެނެ، ހެލިކޮޕްޓަރާއި ޑޯނިއާރ ފުލައިޓް އޮޕަރޭސަނުގައި ބޭނުން ނުކުރެ!

އެމް.އެން.ޑީ.އެފުން އިއްޔެ އެކްސްގައި މެދުވެރިކޮށް ކުރި ޓުވީޓެއްގައި ވަނީ މި ޒުވާނާ ހޯދުމުގެ މަސައްކަތް ސަލާމަތީ ބާރުތަކާއި ރައްޔިތުންނާއި ގުޅިގެން ކުރިއަށް ގެންދާކަމަށެވެ. މިގޮތުން ވައިގެ މަގުން، ކަޑުގެ މަގުން އަދި ޑައިވަރުން މެދުވެރިކޮށް ރެސްކިއު އެން ސާޗް އޮޕަރޭސަން ކުރިއަށް ގެންދަނީ ސަދަން ކޮމާންޑުގެ ބެލުމުގެ ދަށުންކަމަށެވެ. 

ގިނަބަޔެއްގެ ފާޑުކިޔުން މި ސާރޗު އެންޑު ރެސްކިއު އޮޕަރޭޝަންއަށް ލިބެމުންދަނީ ރާއްޖޭގައި ބޭނުންކުރަމުން އަންނަ ޑޯނިއާ މަތިންދާ ބޯޓާއި އަދި ރެސްކިއު ހެލިކޮޕްޓަރ މި އޮޕަރޭސަންގައި ބޭނުން ނުކޮށް، ޓުރެނިންގް ސުކޫލުގެ ޓުރެއިނިން ފުލައިޓެއް ބޭނުންކުރަމުން ދާތީއެވެ. އަދި އެ ފުލައިޓުތަކަކީ ރެސްކިއުއަށް އެންމެ އެކަށޭނަ ޒާތައް ފަރުމާކުރެވިފައި ފުލައިޓުތަކެއް ކަމުގައި ނުވާކަމާއި ޕައިލެޓުންއަކީ މިޒާތުގެ އޮޕަރޭސަންއަކަށް ޓުރެއިން ވެފަނެއް ބައެއްކަމަށެވެ.

ޑިފެންސް މިނިސްޓަރ ޓެގްކުރައްވާ މީގެ އިތުރުންވެސް އުތުރުގެ ހޮސްޕިޓަލެއްގައި އޮތް ހާލުދެރަ ބަލިމީހަކު މާލެއަށް ޓުރާންސްފާ ނުކުރެވިގެންވެސް ދަނީ ފާޑުކިޔުން އިތުރުވެފައެވެ. އާންމުކޮށް ކަނޑުގަދަ ދުވަސްވަރު ޑޯނިއަރ މަތިންދާ ބޯޓުގެ އެހީތެރިކަމުގައި މެޑިކަލް އިވަކުއޭޝަން  ހަދަމުން ދިއުންވެގެން ގޮސްފައިވަނީ ސިއްޙީދާއިރާއަށް ލިބުނު ކުރިއެރުމަކަށެވެ.